View/Open - UZSpace Home - University of Zululand

48
nemnumzane wakhona uhloniphekile. Ukhaya lendvodza kuhlonishwa ngisho
labo labangasekho.
Nangabe indvodza kwentekile kwatsi seyitekile kwabete umntfwana lovelako,
labadzala baba nendlela yabo yekutfola kutsi ngabe inkinga ikuphi. Khumalo
(2003) uchaza kanje:
Kutsatfwa emabele afakwe etindziweni
letimbili ngekwehlukana. Laba lababili
kutsiwa abachamele kuwo ngekwehlukana
bese
bayawagcina labadzala bahle bahlola kutsi
ayamila yini. Ayamila alona lotalako,
alongatali akamili.
Uchubeka atsi-ke kubalula nangabe kuwalona lomsikati, uvele afunelwe
timbita anatse. Uma imbeleko yala kulandvwa inhlanti itemtalela ngobe
walotjolwa kulelikhaya. Umfati akacoshwa ngobe ayinyumba. EmaSwati ayati
kutsi akakatenti kodvwa Mvelincanti nguye lomuphe bunyumba. NgesiSwati­
ke ayikho indvodza leyinyumba, yingako uma kuwalendvodza langakamili
kuba lukhunyana, ayitjelwa nekutjelwa, kuvele kube yimfihlo yalabadzala
bodvwa. Msibi (2003) uphawula atsi indvodza iyahlonishwa njengenhloko
yelikhaya kuye kungashiwo kutsi ayitali. Utsi lokungenani kumane kutsiwe
ayibonange itfombe kubese kufunwa tihlati letitsite kutsi itfonjiswe. Nangabe
kute lokwentekako, Khumalo (2003) utsi labadzala babese bahlala phasi
nemnakabo lendvodza bamchazele kutsi kumele abambe umuti wemnakabo
ungahliphiki. Uyachazelwa nalomfati kutsi bangaze batfume lendvodza yakhe,
vena abotsatsa tintsambo ayewutfota. Umkhula wakhe utawubese
uyamlandzela. Ngaleyo ndlela umfati uyatala indvodza yakhe ijabule,
ihlonipheke njengemnumzane welikhaya. Bantfwana-ke nome bangafuta
umnakabo vele yintfo lemukelekako emaSwatini. Leli Iisiko lelijule kakhulu
rutsi Iiyahlonishwa ngendlela lemangalisako. Kuphuma kwemfati ekhaya