View/Open - UZSpace Home - University of Zululand
View/Open - UZSpace Home - University of Zululand
View/Open - UZSpace Home - University of Zululand
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
104<br />
behlukana ngemagama abo ekucala lekungiwo labawenta tibongo taboo<br />
Sibonelo: bakaShongwe, Ngwenya, Gumedze kanye nebakaMadvonsela,<br />
bonkhe nabananatelwa akasali Mntimandze. Loku kuyakhomba kutsi bonkhe<br />
labantfu badzabuka ndzawonye. Tinyenti tibongo temaSwati<br />
letinalobudlelwane etinanatelweni.<br />
Bantfu-ke labanetinanatelo letifanako bahloniphana njengebantfu bamndeni<br />
munye ngekwendzabuko yabo. Angeke baze batsatsane nome batekane,<br />
bahloniphana njengebantfwana bendvodza. Umuntfu lotsatsa umuntfu<br />
(onesibongo lesihlanganako nesakhe esinanatelweni, emaSwati amtsatsa<br />
njengemuntfu longawahloniphi emasiko esiSwati. Ngalamanye emagama<br />
Iowa muntfu usuke angakehluki esilwaneni. Usuke ete buntfu. Empeleni<br />
kuyatila ngesiSwati kutsatsana kwebantfu labanetibongo letihlanganako,<br />
labadzala batsi labo bantfu bangahle batale bantfwana labachwalile. Kunaka<br />
tinanatelo kwemaSwati kwenta kutsi babe nemindeni lemikhulu. Loku<br />
kubonakala kahle ngesikhatsi kunemisebenti letsite ekhaya ikakhulu kufa<br />
ngobe kuyintfo lesahlonishwa kakhulu esiveni semaSwati.<br />
Lokungaphawulwa noko lapha endzabeni yekutsatsana, kutsi kwangatsi<br />
kutawuhamba kushabalale ngenca yesikhala lesivuleke endlunkhulu. Loku<br />
kwentiwe kudvuma kwenkhosikati LaNgangaza leyakaDlamini sibongo sayo<br />
sekutalwa. Ukhona futsi naLaGija noko vena akakadvumi. Nome<br />
bekwenteka phambilini njegobe nje ngekusho kwaMamba (2003), beyikhona<br />
inkhosikati LaMgunundvu lebeyitekwe nguSobhuza 11, kodvwa bekuba tibi<br />
tendlu ngobe naletintsatseli lesetijangaza yonkhe indzawo betingangenangeni<br />
nje ebukhosini kungateki kutsi ticondzeni. Tinyenti tintfo letingumsimeto<br />
wesive letingakhulunywa, letatiwa ngulabadzala kuphela nalabo labasondzele<br />
enkhosini. Letinye taletintfo nguleta letingemasiko lasimise lelive<br />
njengemisimeto leyentiwa ngesikhatsi sencwala. Bantfu labangati kutsi
Change language