View/Open - UZSpace Home - University of Zululand
View/Open - UZSpace Home - University of Zululand
View/Open - UZSpace Home - University of Zululand
Create successful ePaper yourself
Turn your PDF publications into a flip-book with our unique Google optimized e-Paper software.
75<br />
Mosi watsi:' Hlonipha uyihlo nenyoko,'<br />
nekutsi: 'umuntfu Lowetfuka uyise nome<br />
unina akabulawe afe. '<br />
Umntfwana angakaphumeli ngaphandle emmangweni kuyakutimbandzakanya<br />
etibhimbini nakuleminye imikhuba yesiSwati, ucala atfole inhlonipho<br />
yemaSwati ekhaya lefaka ekhatsi kuguca nekubuka phasi nakakhuluma<br />
nemuntfu lomdzala. NgesiSwati umuntfu lomdzala awumbuki etinhlavini<br />
temehlo, umntfwana lowenta njalo kutsiwa uyimphaka. Nakaphiwa lokutsite<br />
wemukela ngetandla totimbili, abonge ngesibongo salowo muntfu nome sakhe<br />
nangabe angamati. Kufika kwebadzeshi - ke kutsikamete lokunyenti<br />
kulisikomphilo lemaSwati. Kushayisana kwemasiko kushiya bantfwana<br />
badidekile, njengobe. nje ngesilumbi umntfwana nakakhuluma nemuntfu<br />
lomdzala abuke phasi batsi sigebengu. Kutsatsa ngesancele nome ngasinye<br />
sandla akusho lutfo kubadzeshi. Empeleni kutsatsa ngatimbili kusho bugovu<br />
kubo. NgesiSwati umntfwana akahlali esitulwini nome esigicini futsi akadli<br />
ngesipunu. Nakenta njalo uyise asaphila umhlolotela kufa. Nanome<br />
emaSwati lamanyenti asaphila silungu, kodvwa khona lapho esilungwini<br />
ukhandza kutsi kunas<strong>of</strong>a wemnumzane lokungahlali nanome ngubani kuwo.<br />
Kanjalo netindishi letidlela umnumzane akalokotsi adlele kuto umntfwana,<br />
nome uyise angamshiyela kUdla, ukutfululela endishini yakhe kube ngukhona<br />
akudla.<br />
Nangabe lomntfwana afundziseke kahle ekhaya kubo, uyakhona kungenela<br />
tibhimbi letifuna inhlonipho. Phela inhlonipho icala kuye umuntfu akwati<br />
kutihlonipha nekutitsiba ekukhulumeni nasekwenteni, khona atewukwati<br />
kuhlonipha labanye bantfu asakhula nanome asamdzala, akhone kuveta<br />
inhlonipho etibhimbini name emikhosini yesive ngekwehlukana kwayo.
Change language