View/Open - UZSpace Home - University of Zululand

15
wemuti lokhombise kungawuhloniphi umphakatsi wakhe nangabe sekuvele
ingoti.
2.2.1 Inkhosi
Sive semaSwati singulesinye setive te-Afrika letisenenhlanhla yekubuswa
ngemakhosi. Nome sikakwe ngemave laphetfwe bomengameli, sona
sisabambelele endzabukweni yaso yekuba nenkhosi. Inkhosi kusengiyo
lebusako futsi lesahlonishwa ngendlela lemangalisako esiveni sonkhana.
Bukhosi bemaSwati-ke bakaDlamini kusukela ekudzabukeni kwaso lesive.
Ngalamanye emagama bukhosi bemaSwati bulifa lakaDlamini. Ngeke ube
yinkhosi ungesuye wakaDlamini, lokusho kutsi inkhosi italwa kulesive.
Matsebula (1980:8) ukubeka kanjena loku:
The Swazi king inherits his position in the
male line, and is chosen among the
younger sons of the previous king.
Uchubeka achaze kutsi lotakuba yinkhosi akate atiwa ngumuntfu asaphila
uyise lobusako. Kwanaye uyise cobo Iwakhe uye angati kutsi
kulamadvodzana akhe kutakuba ngubani indlalifa. Lowo Joyindlalifa uba
yinkhosi angafa uyise, acale kuphatfwa njengenkhosi sale entiwa yonkhe
imisimento lephatselene nebukhosi. Inkhosi lebusako, Mswati Ill,
yayineminyaka lelishumi namibili nakuvakala kutsi iyindlalifa yaSobhuza 11.
Yena abenetinyanga letine kuphela nakamshiyela bukhosi uyise. Kodvwa
ke kuyenteka kutsi kwatiwe nangabe indlovukazi ikhetfwe ngendlela
letsite. Kubekisa nje, indlovukazi Tsandzile Ndwandwe indvodzakati
yaZwide. Lapha kutsiwa inkhosi Sobhuza I watfuma emadvodza kutsi
ayekumcelela intfombatana kuZwide letamtalela indlalifa yakhe.
Emadvodza akhetsa Tsandzile lowatiwa kakhulu ngekutsi nguLaZidze
esiveni semaSwati, nguye lowaba ngunina wenkhosi Mswati 11. Matsebula