View/Open - UZSpace Home - University of Zululand
View/Open - UZSpace Home - University of Zululand
View/Open - UZSpace Home - University of Zululand
Create successful ePaper yourself
Turn your PDF publications into a flip-book with our unique Google optimized e-Paper software.
37<br />
labadvuna bekutsiwa bafundisi, labasikati kutsiwa bonkosazana. Utsi<br />
kwesuka lapho ke kutsi kulelibandla kungabandlululwa emkhatsini<br />
walabasikati nalabadvuna ekhatsi esontfweni. Nxumalo (Iocashuniwe) utsi<br />
lokunye lokufike kuphazamise emaSwati macondzana netintfo letibhalwe<br />
eBhayibhelini kutsi bafundisi bakucala bebangasibo labachubeke kakhulu<br />
kutemfundvo, loku kwenta kutsi umuntfu afundze livesi linye bese usima<br />
kulo angachubeki kuvisisa kahle lokushiwoko. Ngiko loku lokuhluphe<br />
emaSwati nasendzabeni yeticatfulo esontfweni, nalamuhla asekhona<br />
emasontfo lasakhumula ticatfulo nakungenwa esontfweni kukhombisa kutsi<br />
lendzawo iyahlonishwa. Loku bakutsatsa endzabeni yaMosi<br />
leseBhayibhelini lapho kutsi:<br />
Nkulunkulu watsi: "Ungasondzeli, khumula<br />
tincabule takho, ngobe lendzawo lome kuyo<br />
ingumhlabatsi longcwele".<br />
(Eksodusi 3:5)<br />
Nome kungabakhona kwehlukana etindleleni tekuhlonipha emasontfweni<br />
ngenca yemitsetfo nome tinchubo letehlukene temasontfo, kodvwa<br />
Mvelinchanti usetikwako konkhe futsi uhlonishwa ngabo bonkhe.<br />
2.3.4 Emihlanganweni<br />
Imihlangano yemmango nave iyigcamisa kakhulu inhlonipho yesive<br />
semaSwati. Yonkhe imihlangano yesive ibalulekile ngobe emihlanganweni<br />
kulapho kukhulunywa khona tonkhe tindzaba temmango. Ngalesinye sikhatsi<br />
kusuke kutekwetfulwa inkhulumo lebuya ebukhosini lephatselene nesive.<br />
Kantsi ngelesinye sikhatsi kusuke kungumhlangano wekutewugweba emacala<br />
emmango.