People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Organisasyon)
Nakikipagtulungan sa mga taong sumailalim sa trafficking
Mga alituntunin sa ligtas at etikal na pakikipagtulungan sa mga
taong sumailalim sa trafficking
1. Unawain at protektahan ang mga karapatan ng mga taong sumailalim
sa trafficking
1.1. Unawain ang mga karapatan ng mga taong sumailalim sa trafficking
Ang mga taong sumailalim sa trafficking ay mga biktima ng mga pang-aabuso sa mga karapatang pantao at
mga biktima ng krimen. Ang Inirerekumendang mga Prinsipyo at Alituntunin ng United Nations ukol sa
mga Karapatang Pantao at Trafficking ng mga Tao (United Nations Recommended Principles and
Guidelines on Human Rights and Human Trafficking) ay nagbibigay ng gabay sa pagprotekta sa mga
karapatan ng mga taong sumailalim sa trafficking. Ang Deklarasyon ng United Nations ukol sa
Pangunahing mga Prinsipyo ng Hustisya para sa mga Biktima ng Krimen at Pang-aabuso ng
Kapangyarihan (United Nations Declaration of Basic Principles of Justice for Victims of Crime and
Abuse of Power) ay nagtatakda ng pinakamababang mga pamantayan ng pagtrato sa mga biktima ng
krimen.
Bilang mga biktima ng krimen, ang mga taong sumailalim sa trafficking ay maaaring magkaroon ng mga
karapatang pambatas at mga dapat matanggap sa ilalim ng batas ng Australia. Ang trafficking, pang-aalipin,
sekswal na pagkaalipin, mapanlinlang na pagrerekluta para sa sekswal na mga serbisyo at pagkaalipin sa
utang ay mga kriminal na mga pagkakasala sa ilalim ng Criminal Code Act 1995 (Cth) (ang Criminal Code ng
Komonwelt). Sa ilalim ng Migration Act 1958 (Cth), isang pagkakasala para sa isang tagapag-empleyo ang
sinadya o di-maingat na pagpayag sa isang hindi-mamamayang walang karapatang magtrabaho na
magtrabaho o magsagguni sa mga ito para sa trabaho. Isang malubhang paglabag kung gagawin ito sa mga
kalagayang ang manggagawa ay pinagsasamantalahan.
Ang isang taong sumailalim sa trafficking ay maaaring gumawa ng reklamo sa ilalim ng Fair Work Act 2009
(Cth) o may-kaugnayang mga batas ng Estado o Teritoryo. Ang isang taong sumailalim sa trafficking ay
maaaring maging karapat-dapat para sa panukalang bayad-pinsala na naaayon sa batas ng Estado o
Teritoryo o maaaring gumawa ng isang sibil na paghahabol para sa mga pinsala.
1.2. Unawain ang Balangkas sa Visa na may kaugnayan sa Pangangalakal ng mga
Tao (People Trafficking) (People Trafficking Visa Framework)
Ang People Trafficking Visa Framework ay itinatag ng Pederal na Pamahalaan noong unang araw ng Enero
2004, at inamyendahan noong unang araw ng Hulyo 2009. Ang mga visa sa ilalim ng Framework ay
maaaring makuha ng sinumang taong natukoy ng pulis bilang isang pinaghihinalaang biktima ng trafficking,
anuman ang industriyang pinaratangang kasangkot sa nasabing trafficking.
Ang mga pinaghihinalaang biktima ng trafficking na walang hawak na may-katibayang visa kapag natukoy ay
maaaring mabigyan ng Bridging visa F na may bisa sa loob ng 45 araw. Kung ang Bridging visa F ay
naipagkaloob na, ang karagdagang Bridging visa F ay maaari pa ring ipagkaloob para sa karagdagang 45
araw kung ang isang tao ay gustong tumulong sa pulis ngunit hindi makayang gawin ito, hal. dahil sa
trauma.
Sa katapusan ng panahon ng Bridging visa F, ang isang taong sumailalim sa trafficking na tumutulong sa
pulis sa isang pagsisiyasat, na dapat sana ay walang legal na batayan upang manatili sa Australia, ay
maaaring maging karapat-dapat para sa isang Criminal Justice Stay visa sa ilalim ng People Trafficking Visa
Framework, na gayun din sa kanilang pinakamalapit na mga miyembro ng pamilya sa Australia.
Ang isang taong sumailalim sa trafficking na nag-ambag at nakipagtulungan nang husto sa isang
pagsisiyasat o pag-uusig ng pinaratangang may sala ng trafficking ay maaaring maging karapat-dapat para
sa Witness Protection (Trafficking) visa kung sila ay malalagay sa panganib kapag babalik sa kanilang
sariling bansa. Ang kanilang pinakamalapit na mga miyembro ng pamilya sa Australia at sa ibayong dagat ay
maaari ring maging karapat-dapat para sa visa na ito.
Bilang karagdagan sa People Trafficking Visa Framework, ang taong sumailalim sa trafficking ay maaaring
maging karapat-dapat para sa iba pang mga visa. Gaya halimbawa, ang isang taong sumailalim sa
8