People Trafficking NGO Guidelines - Tagalog - Attorney-General's ...

More documents

Recommendations

Info

Mga patnubay para sa mga NGO (Hindi-Pampamahalaang mga Org Nakikipagtulungan sa mga taong sumailalim sa trafficking Mga Nilalaman Paunang Salita Ang mahalagang ginagampanang papel ng mga NGO sa pakikipaglaban sa pangangalakal ng mga tao (people trafficking) Sampung mga prinsipyo para sa ligtas at etikal na pakikipagtulungan sa mga taong sumailalim sa trafficking Mga patnubay para sa ligtas at etikal na pakikipagtulungan sa mga taong sumailalim sa trafficking 1. Unawain at protektahan ang mga karapatan ng mga taong sumailalim sa trafficking 2. Palaging kumilos upang protektahan ang kaligtasan ng mga tao 3. Makipagkasundo para sa may-kaalamang pahintulot 4. Magbigay ng naaangkop na impormasyon para sa pagsasangguni 5. Protektahan ang pagiging pribado at pagiging kompidensiyal 6. Magbigay ng mga serbisyong naaangkop sa kultura 7. Magbigay ng propesyonal at etikal na mga serbisyo 8. Alamin kung paano tumugon sa mga subpena (subpoena) at iba pang mga kahilingan para sa impormasyon 9. Alamin kung paano makatutulong sa mga saksi sa mga pagdinig sa hukuman 10. Kilalanin na ang mga pamilya at mga bata ay may natatanging mga pangangailangan Mga akronim at pagpapaikling-salita Talahuluganan ng mga termino Gabay sa Pagsasangguni Mga NGO na laban sa trafficking Mga serbisyong pangkagipitan Pederal na Pulisya ng Australia (Australian Federal Police) Payo at impormasyong pang-imigrasyon Programa ng Suporta para sa Mga Biktima ng Pangangalakal ng mga Tao (People Trafficking) (Support for Victims of People Trafficking Program) Mga ahensya ng pamahalaan at mga lupong pambatas Impormasyong pang-embahada Mga linyang pantulong ukol sa karahasan sa tahanan at sekswal na pang-aabuso Mga serbisyo ng bahay kanlungan (refuge) Payo at impormasyong pang-imigrasyon Mga organisasyon ng mga sex worker kabilang ang mga proyektong bilingual Mga serbisyo ng pagsasalin-wika at pag-iinterprete Mga unyon Serbisyong pansuporta sa biktima Makatutulong na mga mapagkukunan ng impormasyon Multilinguwal na mga mapagkukunan ng impormasyon para sa mga biktima ng trafficking Propesyonal na mga Patnubay para sa mga Tagapagbigay ng Serbisyo Pandaigdigang mga mapagkukunan ng impormasyon 1
Mga patnubay para sa mga NGO (Hindi-Pampamahalaang mga Organisasyon) Nakikipagtulungan sa mga taong sumailalim sa trafficking Paunang-Salita Ang trafficking sa mga tao ay isang kumplikado, lihim at kasuklam-suklam na krimeng sumisira sa buhay ng mga kalalakihan, mga kababaihan at bata sa buong mundo. Ganoon kalaki at kalawak ang krimeng ito na hindi ito makakayanang masugpo ng pamahalaan nang nag-iisa. Ang Pamahalaang Australia ay nakikipagtulungan sa iba pang mga pamahalaan, sa loob ng bansa at sa buong daigdig kasama ang mga organisasyong pandaigdig at pangrehiyon, at lipunang sibil upang mahadlangan ang trafficking, siyasatin at usigin ang mga may-sala, at suportahan at protektahan ang mga biktima. Ang di-pampamahalaang mga organisasyon (NGO) ay mahalaga sa pakikipaglaban ng Australia sa trafficking at gumaganap ng lalo pang mahalagang tungkulin sa pagtulong sa mga biktima. Ang Mga Alituntunin para sa mga NGO na Nakikipagtulungan sa mga Taong naging Biktima ng Trafficking ay binuo ng Grupong Nagtatrabaho (Working Group) na itinatag sa unang pagpupulong ng Pambansang Talakayan ukol sa Pangangalakal ng mga Tao (PeopleTrafficking) (National Roundtable on People Trafficking) noong taong 2008 at inilathala sa huling bahagi ng taong iyon. Pinaunlad ng mga NGO para sa mga NGO, ang mga Alituntunin ay isang mahalagang rekurso para sa anumang organisasyon, maging ang mga ito ay isang NGO na matagal nang itinatag sa lugar na ito, o isang nagtatrabaho kasama ang mga taong dumanas ng trafficking sa unang pagkakataon. Itinataguyod ng mga Alituntunin ang pinakamahusay na mga kapakanan ng mga biktima ng trafficking kabilang ang kahalagahan ng may-kaalamang pahintulot, proteksyon sa pagiging pribado at mga serbisyong naaangkop sa kultura. Nagbibigay sila ng payo ng dapat gawin sa mga NGO na humaharap sa mga biktima ng lahat ng uri ng trafficking, kabilang ang mga sekswal na pang-aalipin at pagsasamantala sa trabaho. Upang mapadali ang mahalagang gawaing ito, ang mga Alituntunin ay isasalin sa wikang Tsino, Koreano, Tagalog, Tamil, Thai at Biyetnames. Binabago ng edisyong ito ang mga Alituntunin upang maipakita ang mahalagang mga reporma sa proteksyon ng biktima at ang balangkas ng trafficking visa na ipinakilala ng Pamahalaang Australia noong taong 2009, at maipakita ang nagbabagong anyo ng mahusay na dapat gawin sa larangang ito. Ang pagtulong sa mga biktima para harapin, at upang makabawi mula sa, epekto ng pagiging biktima ng trafficking ay parehong mapaghamon at mapagkompronta. Pinahahalagahan ng Pamahalaan ang malaking kadalubhasaan at karanasang ibinibigay ng mga NGO sa gawaing ito. Umaasa ako na ang mga Alituntuning ito ay patuloy na magbibigay ng praktikal na tulong sa mga NGO at iba pang nagtatrabaho sa ating komunidad upang suportahan ang mga taong naging biktima ng trafficking. Ako ay partikular na nagagalak na ipaabot ang aking mga pagbati sa bawat isang kasangkot sa pagbubuo ng mapagkukunan ng mahalaga at praktikal na impormasyong ito. Ang mga kopya ng alituntuning ito ay maaaring matagpuan sa website ng Attorney General’s Department: www.ag.gov.au/peopletrafficking. Ang Kgg. Brendan O’Connor MP Ministro para sa Ugnayang Panloob at Hustisya (Minister for Home Affairs and Justice) 2
Page 1 and 2: Mga patnubay para sa mga NGO (Hindi
Page 3: ISBN: 978-1-921725-46-3 © Komonwel

People Trafficking NGO Guidelines - Tagalog - Attorney-General's ...

Create successful ePaper yourself

Delete template?

Save as template?