People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Org
Nakikipagtulungan sa mga taong sumailalim sa trafficking
6.3. Magbigay ng mga serbisyong sumasaklaw sa mga kultura
Dapat isaalang-alang ng mga NGO ang:
pagsasalin ng mga babasahin sa ibat- ibang lengguwahe
pagkuha ng mga kopya ng multilingguwal na mga babasahin, partikular na kung ang NGO ay walang
pondo upang isalin ang sarili nitong mga babasahin
maagap na pag-eempleyo ng multilingguwal na kawani
pagsasanay ng kawani upang mapagbuti ang kamalayan at kaalamang pangkultura
pagsasanay sa paggamit ng mga interpreter at mga serbisyong pang-interpreter, kabilang ang Serbisyo
ng Pagsasalin at Pag-iinterprete ng Pamahalaang Komonwelt (Commonwealth Government's
Translating and Interpreting Service) (TIS) at mga interpreter na pumupunta mismo sa lugar
pagiging maalam sa multilingguwal na mga tagapagbigay-serbisyo laban sa trafficking
pagbibigay ng mga pagsasangguni at pakikipag-ugnayan kasama ang mga serbisyong naaangkop sa
kultura
pagtataguyod ng mga serbisyo sa loob ng magkakaibang kulturang mga komunidad
paghingi ng tulong mula sa mga interpreter, mga manggagawang dalawa ang wika (bilingual) at mula sa
ibat ibang kultura.
7. Magbigay ng propesyonal at etikal na mga serbisyo
Kailangang tiyakin ng mga tauhan at boluntaryo ng mga NGO na ang mga relasyong
pinanatili nila sa mga taong sumailalim sa trafficking ay propesyonal, wasto at ligtas.
Ang mga NGO na nakikipagtulungan sa mga taong sumailalim sa trafficking ay dapat maglayong sumunod
sa pinakamababang mga pamantayang itinakda sa mga Alituntuning ito.
7.1. Panatilihin ang propesyonal na mga pakikipag-ugnayan
Kilalanin ang mga limitasyon ng iyong mga NGO. Huwag mangako ng mga serbisyo o
tulong na hindi maibibigay ng iyong mga NGO o ilahad nang labis ang iyong
kakayahan sa pagtulong sa taong sumailalim sa trafficking. Huwag mangako ng mga
serbisyo o suporta sa ngalan ng isa pang ahensiya o tao.
Dapat na maging propesyonal at hindi personal ang relasyon sa pagitan mo at ng taong sumailalim sa
trafficking. Hindi naaangkop na manatili sa bahay ng kawani at mga boluntaryo ng NGO ang isang
sumailalim sa trafficking. Ito ay isang di-matatag na kaayusan na maaaring magbigay-daan upang malagay
sa panganib ang kaligtasan ng parehong taong sumailalim sa trafficking at ang manggagawa ng NGO.
Hindi ka dapat kumilos bilang tagapamagitan sa mga talakayan sa pagitan ng isang
taong sumailalim sa trafficking at ng kanyang tagapag-empleyo. Ito ay maaaring
maglantad sa panganib sa iyo at sa taong sinusubukan mong tulungan.
Sabihin sa mga tao kung paano sila makakagawa ng reklamo kung hindi sila
nasisiyahan sa mga serbisyong ibinibigay ng iyong NGO.
7.2. Bigyan ng pagsasanay ang kawani ng NGO at mga boluntaryo
Kailangang bigyan ng NGO ng pagsasanay ang kawani at mga boluntaryo tungkol sa
kung paano magbigay ng ligtas at wastong mga serbisyo sa mga taong sumailalim sa
trafficking. Dapat basahin ng lahat ng kawani at mga boluntaryo ang mga Alituntuning
ito bago magsimulang makipagtulungan sa mga taong maaaring sumailalim sa
trafficking.
Hanggat maaari, dapat maging patuloy ang pagsasanay. Ang mga humahawak ng
sa NGO o nakatatandang kawani ay dapat magbigay ng naaangkop na superbisyon
para sa nakababatang kawani at mga boluntaryo.
21