People Trafficking NGO Guidelines - Tagalog - Attorney-General's ...

More documents

Recommendations

Info

Mga patnubay para sa mga NGO (Hindi-Pampamahalaang mga Org Nakikipagtulungan sa mga taong sumailalim sa trafficking Biktima ng krimen Tinutukoy sa Deklarasyon ng United Nations ukol sa Batayang mga Prinsipyo ng Hustisya para sa mga Biktima ng Krimen at Pang-aabuso ng Kapangyarihan ang mga biktima ng krimen bilang mga taong dumanas ng pinsala bilang indibiduwal o magkakasamang grupo, kabilang ang pisikal o pangkaisipang pinsala, emosyonal na pagdurusa, pang-ekonomiyang kawalan o malaking pinsala sa kanilang pangunahing mga karapatan, sa pamamagitan ng mga pagkilos o mga hindi nagawa na pawang paglabag sa mga batas pangkrimen na umiiral sa loob ng mga Miyembrong Estado, kabilang ang mga batas na nagbabawal sa kriminal na pag-abuso ng kapangyarihan. Sa Australia, ang ibat ibang mga Estado at Teritoryo ay may magkakaibang mga kahulugan ng biktima ng krimen. Ang isang tao ay dapat ituring na biktima nang kahit na kung ang gumawa ng pagkakasala ay nakilala, nadakip, sumailalim sa pag-uusig o nahatulan at hindi tinitingnan ang relasyong pampamilya sa pagitan ng nagkasala at ng biktima. Isinasaad din sa Deklarasyon ng UN na kabilang sa katagang biktima, kung saan naaangkop, ang pinakamalapit na pamilya o mga direktang nakadepende sa biktima at mga taong dumanas ng pinsala dahil sa ginawang pamamagitan upang tulungan ang nababalisang mga biktima o upang maiwasan ang pambibiktima. Pahayag ng Epekto sa biktima Ang pahayag ng epekto sa biktima ay isang nakasulat na pahayag na nagbibigay ng mga detalye sa hukuman ukol sa pinsalang dinanas ng isang biktima bilang resulta ng pagkakasala. Sa pangkalahatan ang pahayag ng epekto sa biktima ay isang nakasulat na pahayag. Gayunpaman, sa ilang mga hurisdiksyon ang impormasyon ay maaaring iharap sa hukuman sa pamamagitan ng pagbigkas ng mga ito. Ang hugis, anyo at nilalamang ibinigay sa pahayag ng epekto sa biktima ay nag-iiba-iba sa pagitan ng mga hurisdiksyon. Proteksyon sa visa Ang proteksyon sa visa ay ang mekanismong nagbibigay-daan upang ang mga di-mamamayan ay magtamo ng legal na pahintulot upang manatili sa Australia sa pamamagitan ng pag-asa sa proteksyon o makataong tugon ng Pamahalaan. Nanganganib na testigo Ang nanganganib na mga testigo ay ang mga testigo o biktima ng krimen na, dahil sa personal na mga katangian o mga kalagayan ng krimen, ay maaaring matakot sa pagbibigay ng katibayan sa hukuman o sa harap ng isang akusadong tao. Ang mga batang testigo at mga biktima ng sekswal na pang-aabuso ay madalas na itinuturing na nanganganib na mga testigo. Ang nanganganib na mga testigo ay madalas na may karapatan upang magbigay ng ebidensiya sa mga paglilitis ng krimen sa pamamagitan ng paggamit ng alternatibong mga kaayusan, tulad ng tinatawag na closed circuit na telebisyon. Proteksyon sa testigo Ang proteksyon sa testigo ay proteksyon at tulong na ibinibigay ng pulis sa mga taong nagbigay o sumangayong magbigay ng katibayan sa mga paglilitis ng krimen, gumawa ng pahayag na may kaugnayan sa kriminal na pagkakasala o kung hindi man ay nangangailangan ng proteksyon o pinaniwalaang nasa panganib dahilan sa kanilang katibayan (tingnan din ang Unawain ang Balangkas sa Visa ukol sa Trafficking sa mga Tao sa 1.2). 37
Mga patnubay para sa mga NGO (Hindi-Pampamahalaang mga Organisasyon) Nakikipagtulungan sa mga taong sumailalim sa trafficking Gabay sa Pagsasangguni Proyekto Laban sa Pang-aalipin (Anti-Slavery Project), Unibersidad ng Teknolohiya, Sydney: Ang Proyekto Laban sa Pang-aalipin ay isang espesyalistang serbisyong pambatas na nagbibigay ng payong pambatas at representasyon sa mga taong sumailalim sa trafficking at pang-aalipin. Ang Anti-Slavery Project ay nakalaan sa pagwawakas ng lahat ng anyo ng trafficking at pang-aalipin sa pamamagitan ng direktang serbisyo at mga programang pagtataguyod. Kabilang sa ibinibigay na mga serbisyo sa mga taong sumailalim sa trafficking ay ang: payong pambatas at representasyon kapag natukoy ang mga taong sumailalim sa trafficking, balangkas para sa visa ukol sa trafficking, iba pang mga visa, mga proseso ng pagrerepaso at iba pang mga isyung pang-imigrasyon. Kabilang sa kaugnay na serbisyong pambatas ay ang payo ukol sa pagkamamamayan, pabahay, ang mga kabayaran mula sa Centrelink, bayad-pinsalang sibil atbp. Nagbibigay din ng mga serbisyong suportang panglipunan. Ang Anti-Slavery Project ay tumutulong sa mga indibidwal na mga tao na matukoy ang kanilang sitwasyon at tumutulong sa mga NGO upang matasa kung ang isang tao ay sumailalim sa trafficking at maaaring gumawa ng naaangkop na mga pagsasangguni. Jennifer Burn, Director T: 02 9514 9662 E: antislavery@uts.edu.au W: www.antislavery.org.au Relihiyosong Katolikong Australiano Laban sa Trafficking sa mga tao (Australian Catholic Religious Against Trafficking in Humans)(ACRATH): Ang ACRATH ay isang pambansang organisasyong binubuo ng mga kasapi ng ibang relihiyosong kongregasyon at ilang mga ekspertong konsultant. Layunin nito na makagawa ng posisyon laban sa lahat ng anyo ng trafficking sa mga tao. Ang ACRATH ay aktibong nangangampanya laban sa trafficking sa tatlong aspeto – paglolobi batay sa pamamaraang nauukol sa mga karapatang pantao, pagbibigay ng kaalaman sa pamamagitan ng pagsasagawa ng mga programang pangedukasyon sa komunidad at paaralan at pagsuporta sa mga taong sumailalim sa trafficking sa pamamagitan ng pagsuporta sa ligtas na pabahay sa Australia at sa programa ng pagpapabalik sa sariling bayan. Sister Louise Cleary T: 03 9686 3637 E: clouise@brigidine.org.au W: www.acrath.org Proyekto Laban sa Trafficking ng Josephite (Josephite Counter Trafficking Project ) (JCTP): Ang JCTP ay isang kongregasyonal na paglilingkod na tumutugon sa mga pangangailangan ng mga taong sumailalim sa trafficking. Ang mga miyembro ng JCTP ay Asyanong kababaihan at kababaihang may karanasan sa Asya o nagtatrabaho sa sitwasyon ng magkakaibang kultura. Sila ay nagbibigay ng suportang naaangkop sa kultura sa mga babaeng Asyano na sumailalim sa trafficking patungong Australia. Nakikipagtulungan din sila sa mga grupong pangrelihiyon, pampamahalaan at mga NGO na kasangkot sa pagbibigay ng serbisyo sa Australia at buong mundo. Ang mga programang nagbibigay ng kaalaman sa komunidad at sa Sentro ng Detensyong Pang-imigrasyon sa Villawood ay nagbibigay ng impormasyon tungkol sa trafficking s a kawani at mga nakakulong na noon ay nakaka-access ng mga serbisyo para sa mga taong sumailalim sa trafficking. Sister Margaret Ng T: 02 9929 7344 M: 0432 084 249 E: enquiries@sosj.org.au W: www.sosj.org.au 38
Page 1 and 2: Mga patnubay para sa mga NGO (Hindi
Page 3 and 4: ISBN: 978-1-921725-46-3 © Komonwel
Page 39: Mga patnubay para sa mga NGO (Hindi

People Trafficking NGO Guidelines - Tagalog - Attorney-General's ...

Create successful ePaper yourself

Delete template?

Save as template?