People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Organisasyon)
Nakikipagtulungan sa mga taong sumailalim sa trafficking
6. Magbigay ng mga serbisyong naaangkop sa kultura
Ang mga taong sumailalim sa trafficking patungong Australia ay mula sa
magkakaibang kultura. Maaaring hindi sila nakakapagsasalita ng Ingles o pamilyar sa
sistemang pambatas ng Australia. Maaari silang mahirapan sa pag-access sa mga
serbisyo dahilan sa:
· wala silang kamalayan na ang lahat ng mga anyo ng trafficking, pang-aalipin,
sekswal na pagkabusabos at pagkaalipin sa utang ay labag sa batas
· kulang ang kanilang pang-unawa sa pambatas na sistema ng Australia,
lipunan ng Australia o ang mga serbisyong maaaring magamit ng mga biktima ng
trafficking
· hindi nila alam ang mga karapatan ng migranteng mga manggagawa sa
Australia
· hindi nila alam na ang trabaho sa industriya ng sex ay legal sa Australia
· ang ibinibigay na serbisyo ay maaaring hindi naangkop sa kultura, o
· sila ay natatakot sa mga taong nasa mga posisyon ng kapangyarihan, tulad ng
pulisya, dahil sa mga naging negatibong karanasan sa kanilang bansang pinagmulan
6.1. Magbigay ng impormasyong naaangkop sa mga lengguwahe
Hanggat maaari, ang mga NGO ay dapat magbigay ng impormasyon sa mas gustong
wika ng taong sumailalim sa trafficking. Kung ang NGO ay hindi makapagbigay ng
impormasyon sa mas gustong wika ng taong sumailalim sa trafficking, dapat isangguni
ng NGO ang tao sa isang serbisyong naaangkop sa kultura.
Ikaw ay dapat na mayroong may kaalamang pahintulot mula sa taong sumailalim sa
trafficking bago gumawa ng pagsasangguni sa ngalan nila. Kung ang miyembro ng
kawani ng NGO ay hindi nagsasalita ng wikang gusto ng taong sumailalim sa
trafficking, maaaring maging mahirap ang pagkuha ng may kaalamang pahintulot. Sa
ganitong mga sitwasyon maaaring kailanganing gumamit ng isang interpreter.
6.2. Isaalang-alang ang paggamit ng mga interpreter
Kailangang isaalang-alang ng NGO kung naaangkop at praktikal na humanap ng mga serbisyo ng isang
akreditadong interpreter. Ang paggamit ng mga interpreter ay
maaaring makatulong sa taong sumailalim sa trafficking na gumaan ang pakiramdam, maunawaan ang
kanilang mga mapagpipilian at masabi ang kanilang kuwento.
Gayunpaman, ang mga taong sumailalim sa trafficking ay maaaring mahiya o mawalan ng tiwala sa
pagkukuwento ng tungkol sa kanilang mga karanasan sa isang taong
mula sa parehong kultura. Maaari din silang matakot (o makilala) na ang interpreter ay may mga ugnay sa
kanilang mga trafficker.
Isang panganib ng paggamit ng boluntaryong mga interpreter ay ang maaaring kilala nito ang mga trafficker.
Ang isa pang panganib ay ang hindi-wastong mga pagsasalin na maaaring hindi sinasadyang mang-insulto
o magbigay ng maling impormasyon sa mga taong maaaring sumailalim sa trafficking. Ito ang dahilan kung
bakit dapat mo lamang gamitin ang akreditadong mga interpreter na sumasang-ayong panatilihing
kompidensyal ang impormasyong nakuha sa panayam. Hanggat maaari ang mga NGO ay dapat gumamit ng
mga interpreter na may kaparehong kasarian sa taong maaaring
sumailalim sa trafficking.
Hanggat maaari, ang NGO ay dapat kumuha ng pagsasanay sa paggamit ng mga interpreter at mga
serbisyo ng interpreter, kabilang ang Serbisyo ng Pagsasalin at
Pag-iinterprete ng Pamahalaang Komonwelt (Commonwealth Government's Translating and Interpreting
Service) (TIS) na maaaring makuha sa 24 na oras sa isang araw. Maaari kang makakuha ng karagdagang
impormasyon sa www.immi.gov.au /living in australia / help with english/ help_with_translating / index.htm.
20