People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Org
Nakikipagtulungan sa mga taong sumailalim sa trafficking
Unawain ang Balangkas sa Visa ukol sa trafficking sa mga tao sa 1.2 at Unawain ang Programang
Pansuporta para sa mga Biktima ng People Trafficking sa 1.3.
Tanggapan ng Komisyoner sa Pagiging Pribado
Ang Tanggapan ng Komisyoner sa Pagiging Pribado ay isang malayang tanggapan na may mga tungkulin
sa ilalim ng Privacy Act 1988 (Cth). Ang Batas ay nagbibigay ng proteksyon para sa: personal na
impormasyong hawak ng mga ahensya ng pamahalaang Australia at ACT, mga personal na impormasyong
hawak ng lahat ng malalaking organisasyon ng pribadong sektor, lahat ng mga pribadong tagapagbigay ng
serbisyong pangkalusugan at ang ilang mga maliliit na negosyo, impormasyon ukol sa pagiging karapat -
dapat sa pag-utang na hawak ng mga ahensyang nag-uulat tungkol sa pag-utang at mga tagapagbigay ng
pautang at personal na mga numero sa file ng buwis na ginagamit ng mga indibidwal at organisasyon.
Refugee
Ang isang taong nasa labas ng kanyang bansa ng pagkamamamayan at may matibay na pinagbabatayang
takot sa pag-uusig nang dahil sa kanyang lahi, relihiyon, pagiging mamamayan, pagiging kasapi ng isang
partikular na grupong panlipunan o pampulitikang opinyon, at dahil sa takot sa pag-uusig na ito, ay ayaw o
hindi kayang makakuha ng proteksyon para sa kanyang sarili mula sa bansang iyon, o para makabalik dito.
Pagpapabalik sa sariling bayan
Ang pagpapabalik ng isang taong sumailalim sa trafficking sa kanilang bansa ng pagkamamamayan.
Pagganting bayad
Isinasaad sa Deklarasyon ng United Nations ukol sa Batayang mga Prinsipyo ng Hustisya para sa mga
Biktima ng Krimen at Pang-aabuso ng Kapangyarihan na ang mga nagkasala o ikatlong mga partido na
may pananagutan para sa kanilang pag-uugali ay dapat, kung saan naaangkop, gumawa ng
makatarungang pagganting bayad sa mga biktima, kanilang mga pamilya at sa mga taong umaasa sa
kanila. Ang hukuman ay maaaring gumawa ng isang kautusan na ang isang nagkasala ay magbigay ng
pagganting bayad sa biktima ng krimen.
Sekswal na pagkaalipin
Tinutukoy sa Seksiyon 270.4 ng Criminal Code ang sekswal na pagkaalipin bilang kalagayan ng isang
taong nagbibigay ng sekswal na mga serbisyo at dahilan sa paggamit ng lakas o mga pagbabanta ay hindi
malayang makakatigil sa pagbibigay ng sekswal na mga serbisyo o hindi malayang makakaalis sa lugar
kung saan ang taong iyon ay nagbibigay ng sekswal na mga serbisyo.
Sa kontekstong ito ang salitang 'banta' ay nangangahulugan ng:
isang banta ng puwersa
isang banta para maging sanhi ng pagpapatapon ng isang tao, o
isang banta ng anumang iba pang nakapipinsalang pagkilos maliban kung may makatwirang mga
dahilan para sa bantang pagkilos na iyon kaugnay ng pagbibigay ng sekswal na mga serbisyo ng isang
tao.
Pang-aalipin
Tinutukoy sa Criminal Code na ang pang-aalipin ay kalagayan ng isang tao na pinapatawan ng anuman o
lahat ng kapangyarihang kalakip ng karapatan sa pagmamay-ari, kabilang ang kondisyon na naging resulta
ng pagkakautang o kontratang ginawa ng nasabing tao.
Pagpupuslit
Ang pagpupuslit ng mga tao ay naiiba mula sa trafficking sa mga tao. Tinutukoy sa Artikulo 3 (a) ng Protokol
ng United Nations laban sa Pagpupuslit ng mga Migrante sa pamamagitan ng Lupa, Dagat o Himpapawid
ang pagpupuslit ng mga migrante bilang isang gawain, upang makakuha, nang direkta o hindi direkta, ng
pananalapi o iba pang materyal na benepisyo, ng iligal na pagpapasok ng isang tao sa Partido ng Estado na
35