People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Org
Nakikipagtulungan sa mga taong sumailalim sa trafficking
kasangkot na mga indibidwal – gaya halimbawa 'manggagawa sa industriya ng sex,' 'kinontratang mga
manggagawa sa industriya ng sex,' ' kababaihan' at 'nagtatrabaho.'
7.5 Gumamit ng ligtas at etikal na mga gawi sa pananaliksik
Ang mga NGO ay maaaring gumawa ng pananaliksik para sa ilang mga kadahilanan. Halimbawa, maaaring
nais nilang malaman ang tungkol sa magagamit na mga serbisyo para sa taong sumailalim sa trafficking o
pang-aalipin, o upang maunawaan kung ano ang nangyayari sa kanilang komunidad. Maaaring kasangkot
sa pananaliksik ang harap-harapang mga panayam, mga pagtatanong sa pamamagitan ng telepono, o iba
pang mga pamamaraang maaaring kabilang ang pakikilahok ng iba, tulad ng survey, obserbasyon o
binibigkas na kasaysayan. Ang pananaliksik na may katangiang tulad nito ay nangangailangan ng mahusay
na pangangalaga at pansin upang matiyak na walang panganib ng pinsala sa gumagawa ng pananaliksik at
sa mga pinag-aaralan, at upang matiyak na walang nakapipinsalang kahihinatnan bilang resulta ng
pananaliksik.
Kung ang isang NGO ay nais gumawa ng anumang mga pananaliksik na kinapapalooban ng pagk ontak sa
mga tao, kabilang ang mga biktima ng trafficking, ipinapayo na humingi ng payo mula sa isang iginagalang
na institusyon ng pananaliksik, tulad ng isang unibersidad o ospital, upang matiyak ang mahusay na
pananaliksik at etikal na pagsasanay, o upang isaalang-alang ang pakikipagsamahan sa isang matatag na
grupo ng pananaliksik.
Ang ilang mga paraan ng pananaliksik ay pinakamahusay na isinasagawa sa payo ng isang komiteng
tagapangasiwa at lupong sanggunian. Maaaring kabilang sa pinakamahusay na pamamaraan ang
pagkakaroon ng mga miyembro ng apektadong komunidad (hal. isang taong mula sa loob ng industriya ng
sex o industriya ng konstruksiyon, o mula sa isang kaugnay na asosasyon o unyon, kung naaangkop) sa
komiteng tagapangasiwa o lupong sanggunian upang payuhan ang mga proyekto ng pananaliksik. Ang
ganitong komite o lupon ay maaaring magbigay ng kontribusyon sa pagpapaunlad ng layunin at
pamamaraan ng proyektong pananaliksik, magbalangkas at / o magpayo sa mga pamamaraan ng survey na
kabilang ang mga kwestiyonaryo o mga tanong sa panayam, o maging kasangkot sa pagkolekta ng datos.
Ang ganitong komite o lupon ay maaari ding konsultahin sa pagsusuri ng mga resulta ng proyekto, at pagedit
at pag-apruba ng natapos na ulat ng pananaliksik. Sa anumang kaso ang pinaka-may karanasang mga
mananaliksik ay komukonsulta sa kaugnay na mga komunidad upang matiyak ang pagiging angkop ng
pamamaraan ng pananaliksik at interpretasyon ng mga natuklasan.
Bago simulan ang anumang proyektong pananaliksik, ang NGO ay dapat magsagawa ng pagtatasa ng
panganib upang matiyak na naisaalang-alang ang lahat ng mga posibleng maganap na kahihinatnan.
Maaaring kabilang sa mga panganib sa indibiduwal ang pisikal na mga panganib (tulad ng mga banta ng
pananakit), sikolohikal na mga kahihinatnan (mula sa pag-alaala at pakikinig ng mga kwento ng buhay),
pagkakahiwalay sa lipunan, kahihiyan, at legal na mga panganib (kabilang ang mga nagreresulta sa direkta
o hindi sinasadyang paglalabas ng impormasyon sa mga autoridad). Dapat tiyakin ng mga NGO na
napapangalagaan ang pagiging kompidensiyal, seguridad, kalusugan at kagalingan ng lahat ng mga
indibidwal na kasangkot.
Ang mga panganib ay maaari ring magkaroon ng mas malawak na katangian, tulad ng pagkagambala sa
mga inisyatibang pampublikong pangkalusugan, umiiral na mga proyektong laban sa trafficking o mga
pagsisiyasat ukol sa pagpapatupad ng batas. Ang pananaliksik ay dapat lamang isagawa kung mas
malamang ang mga benepisyo kaysa sa mga panganib. Kung nagpatuloy ang isang proyekto, ang mga
NGO ay dapat na may nakalaang mekanismo na magagamit sa pagharap sa mga panganib, tulad ng
naaangkop na pagsasanay (tingnan ang Bigyan ng pagsasanay ang kawani at mga boluntaryo ng NGO sa
7.2), pag-uulat, pananagutan at kasanayan sa pagsasangguni (tingnan ang Magbigay ng Nararapat na
Impormasyong Pagsasangguni sa 4), pati na rin ang naaangkop na pagtatago ng kompidensyal na materyal
(tingnan ang Itala at itago nang ligtas ang impormasyon sa 5.2).
Maaaring maging kasangkot sa pananaliksik ang nakatagong mga pamamaraan na maaaring mula sa
limitadong pagsisiwalat ng mga layunin o mga paraan ng inoobserbahang pananaliksik sa pampublikong
23