People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Org
Nakikipagtulungan sa mga taong sumailalim sa trafficking
Talahulugan ng mga salita
Bata
Ang bata ay ang sinumang nasa edad na mababa sa 18 taon. Ang batang biktima ng trafficking ay ang
sinumang nasa edad na mababa sa 18 taon nang ito ay sumailalim sa trafficking.
Bayad-pinsala
Ang isang biktima ng trafficking ay maaaring maging karapat-dapat para sa pinansiyal na bayad-pinsala sa
ilalim ng pondong pangbayad-pinsala na naaayon sa batas na pinondohan ng pamahalaan para sa mga
biktima ng krimen. Ang isang taong sumailalim sa trafficking ay maaari ding humiling ng bayad-pinsala sa
pamamagitan ng sistema ng hukumang sibil para sa pinsalang bunga ng pagkakamaling sibil, tulad ng isang
paglabag sa isang tungkulin ng pangangalaga sa pagpapabaya, maling pagkabilanggo o paglabag sa
kontrata. Ang mga taong sumailalim sa trafficking ay maaari ding maging karapat-dapat para sa tulong mula
sa Tanggapan ng Ombudsman para sa Makatarungang Trabaho.
Katugmang proteksyon
Ang katugmang proteksyon ay tumutukoy sa obligasyon ng Estado na magbigay ng pagkanlong sa isang
taong nangangailangan ng proteksyon sa mga pangyayaring kung saan ang katayuan ng isang tao ay hindi
tumutugon sa pamantayan para sa pagkakaloob ng katayuang pang-refugee na binigyang kahulugan sa
ilalim ng 1951 UN Refugee Convention.
Koda ng Krimen
Kabilang sa Criminal Code Act 1995 (Cth) (ang Criminal Code) ang mga paglabag na trafficking, trafficking
sa mga bata, pang-aalipin, sekswal na pang-aalipin, pagkaalipin sa utang, at mapanlinlang na mga
pagrerekluta para sa seksuwal na mga serbisyo.
Pagkaalipin sa Utang
Tinutukoy sa Kriminal Code ang pagkaalipin sa utang bilang isang katayuan o kondisyon na nanggaling
mula sa isang pangako ng isang tao:
ng kanyang mga personal na serbisyo
o ng personal na mga serbisyo ng ibang tao sa ilalim ng kanyang kontrol
bilang seguridad para sa isang di bayad na utang, o sinasabing pagkakautang, (kabilang ang anumang
utang na natamo, o sinasabing natamo, pagkatapos na ibigay ang pangako), ng taong iyon kung:
ang utang na di bayad o sinasabing pagkakautang ay nakikitang sobra-sobra
ang makatwirang halaga ng mga serbisyong iyon ay hindi inilapat sa paglilikida ng utang o sinasabing
utang, o
ang kahabaan at katangian ng mga serbisyong iyon ay kapwa walang katapusan at kalinawan.
Mapanlinlang na Pagrerekluta para sa mga sekswal na serbisyo
Ayon sa Seksyon 270.7 ng Criminal Code
ang mapanlinlang na mga pagrerekluta para sa seksuwal na pang-aalipin ay isang pagkakasala. Ang
mapanlinlang na pagrerekluta ay nangyayari kung saan ang isang tao, sa balak na akitin ang ibang tao na
pumasok sa isang kasunduan upang magbigay ng sekswal na mga serbisyo, ay nanlilinlang sa ibang tao
tungkol sa:
katotohanan na ang kasunduan ay kasasangkutan ng pagkakaloob ng sekswal na mga serbisyo
katangian ng sekswal na mga serbisyong ipagkakaloob (halimbawa, kung kakailanganin ng mga
serbisyong iyon na ang tao ay pumayag makipag-sex nang walang proteksyon)
33