People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Organisasyon)
Nakikipagtulungan sa mga taong sumailalim sa trafficking
sa trafficking ay maaari ring mangailangan ng access sa mga serbisyong panlipunan, pangangalaga ng
kalusugan at tirahan. Ang mga pangangailangan ng bawat taong sumailalim sa trafficking ay naiiba depende
sa kanyang indibidwal na mga sitwasyon. Kabilang sa ilan sa mga serbisyong maaaring kailanganin ay ang:
payong pambatas tungkol sa katayuang pang-imigrasyon
payong pambatas tungkol sa paghahabol ng bayad-pinsala at/o mga remedyong sibil
pabahay
pagkain at damit
medikal na pangangalaga (pangkagipitan at pangmatagalang panahon)
edukasyong pangkalusugan
pangangalaga sa kalusugang pangkaisipan na naaangkop sa kultura
pagpaplano para sa kaligtasan
mga klase para sa wikang Ingles, at
tulong sa paghahanap ng trabaho at edukasyon
Ang mga serbisyong maibibigay ng NGO ay maaaring maging depende sa katayuang pang-imigrasyon ng
taong sumailalim sa trafficking. Gaya halimbawa, kung ang tao ay walang hawak na visa na nagpapahintulot
sa kaniya na magtrabaho nang legal sa Australia, ang NGO ay hindi dapat tumulong sa taong iyon na
makahanap ng trabaho.
Ang payong pambatas ay dapat lamang ibigay ng kwalipikadong mga propesyonal sa batas. Ipinag-uutos ng
Migration Act 1958 (Cth) na ang payong nauukol sa mga usaping pangmigrasyon, kabilang ang payo
tungkol sa mga pagpipilian sa visa o tulong sa mga aplikasyon sa visa, ay dapat ibigay ng isang
rehistradong ahente ng migrasyon.
Ang mga ahenteng nagbibigay ng payo ay dapat magpapirma sa taong sumailalim sa trafficking ng Form
956, Paghirang ng isang Ahente ng Migrasyon (Appointment of a Migration Agent ) o iba pang awtorisadong
tatanggap. Ang form na ito ay dapat ipadala sa: people.trafficking@immi.gov.au
Ang mga NGO na nakikipagtulungan sa mga taong maaaring sumailalim sa trafficking ay dapat:
magbigay ng serbisyong may paggalang, hindi naghuhusga at hindi nagdidiskrimina
magbigay-proteksyon sa pagiging pribado, pagiging kompidensyal at kaligtasan
magbigay sa tao ng lahat ng may-kaugnayang impormasyon tungkol sa kanilang mga karapatan sa
isang paraang maiintindihan ng taong iyon
makinig sa mga pananaw ng isang tao tungkol sa kanilang nakaraan at kasalukuyang mga kalagayan
igalang ang karapatan ng tao para sa sariling pagpapasiya, at
kumilos lamang sa ngalan ng isang tao kung mayroong may-kaalamang pahintulot ng taong iyon.
Dapat suportahan at igalang ng mga NGO ang kakayahan ng mga tao na maaaring sumailalim sa trafficking
na gumawa ng may-kaalamang mga pagpipilian. Kinapapalooban ito ng pagbibigay ng mga serbisyong
naaangkop sa kultura (Tingnan ang Magbigay ng Serbisyong Naaangkop sa Kultura sa 6).
Ano ang maaaring magawa ng Ombudsman para sa Makatarungang Trabaho (Fair
Work Ombudsman )?
Ang Ombudsman para sa Makatarungang Trabaho (na dating kilala bilang Ombudsman ng lugar
pantrabaho) ay tumanggap ng reklamo tungkol sa mga kondisyon ng trabaho ng apat na lalaking may hawak
na visa 457. Matapos dumating sa Australia, ginugol ng apat na tao ang dalawang linggong pagtira at
pagtulog sa opisinang kanilang pinapasukan. Walang paliguan at sila ay inaasahang sa lababo ng lugar ng
trabaho maglilinis ng katawan o sa lokal na palanguyan. Nang maisaayos ang pormal na tirahan, ito ay isang
pinaghahatiang paupahang bahay na pag-aari ng tagapag-empleyo, na 300 metro ang layo sa lugar ng
trabaho. Nadama ng mga lalaki na sila ay palaging dapat na handa sa tawag ('on call') para sa mga
tungkulin.
Ang mga kondisyon sa trabaho ng mga lalaki ay tunay na naiiba sa iba pang mga manggagawa. Sila ay
nagtrabaho nang mas mahabang oras at ang pera para sa mga medikal na gastos, upa, at gastos pang-
10