People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Org
Nakikipagtulungan sa mga taong sumailalim sa trafficking
8. Alamin kung paano tumugon sa mga subpena at iba pang mga
kahilingang pang-impormasyon
8.1. Unawain kung ano ang subpena
Ang lahat ng mga NGO ay dapat magkaroon ng nakalaang patakaran na nagsasaad kung ano ang gagawin
at kung sino ang kokontakin para sa pambatas na payo kung ang NGO ay na-isyuhan ng subpena.
Ang subpena ay isang maipapatupad na kautusang panghukuman upang magpakita ng mga dokumento at /
o mga paunawa na dumalo sa hukuman at magbigay ng katibayan.
Ang isang NGO na inisyuhan ng subpena ay kinakailangang tumugon ayon sa batas, maliban kung may
kadahilanang pambatas kung saan nagpasiya ang hukuman na isaisangtabi ang subpena o baguhin ang
kautusan para sa pagpapakita ng dokumento.
Upang maisaisangtabi ang subpena o mabago ang kautusan upang magpakita ng mga dokument o, ang
NGO ay dapat gumawa ng aplikasyon sa Hukuman.
Ang mga NGO na tumutulong sa mga biktima ng trafficking ay maaaring maisyuhan ng subpena:
upang magpakita ng mga dokumento sa isang tiyak na petsa – gaya halimbawa, ang NGO ay maaaring
maisyuhan ng subpena upang magpakita ng mga dokumento na may kinalaman sa pakikipag-ugnayan
ng taong biktima ng trafficking sa NGO, katulad ng mga kinuhang tala noong panahon ng mga panayam
o mga sesyon ng pagpapayo
upang magbigay ng ebidensya sa hukuman sa isang tiyak na petsa – gaya halimbawa, ang isang
empleyado o boluntaryo sa isang NGO ay maaaring ma-isyuhan ng subpena na humarap sa hukuman
at magbigay ng ebidensya tungkol sa kanilang pakikipag-ugnayan sa biktima, at
upang magpakita ng mga dokumento at humarap sa hukuman.
Ang mga subpena ay iniisyu ng mga partido sa kriminal at sibil na mga paglilitis sa hukuman.
Sa kriminal na mga paglilitis ang parehong tagapag-usig at ang akusado ay maaaring maisyuhan ng
subpena. Ang tagapag-usig sa mga usapin ng trafficking ay karaniwang kinakatawan ng Direktor ng
Pampublikong Pag-uusig ng Komonwelt (Commonwealth Director ng Public Prosecutions)(CDPP). Bilang
isang praktikal na usapin, ang NGO ay mas malamang na maisyuhan ng subpena na inisyu ng depensa sa
halip ng CDPP, bagamat ang CDPP ay mayroon ding kapangyarihan upang mag-isyu ng mga subpena.
Ang Ombudsman para sa Makatarungang Trabaho (Fair Work Ombudsman) ay maaaring magpasimula sa
mga paglilitis sa hukuman laban sa mga tagapag-empleyo na lumabag sa mga probisyon ng parusang sibil
ng Batas para sa Makatarungang Trabaho 2009 (Fair Work Act 2009 (Cth).
Ang mga biktima ng trafficking ay maaari ring maging kasangkot sa sibil na mga paglilitis upang makakuha
ng bayad-pinsala.
Huwag magbigay ng acces sa ikatlong mga partido hanggat hindi nakakakuha ng mga tagubilin mula sa
kliyente at / o mga payong pambatas. Tingnan ang Itala at itago nang ligtas ang impormasyon sa 5.2.
8.2. Palaging kumuha ng payong pambatas kung na-isyuhan ng subpena
Kung na-isyuhan ng subpoena, kumuha kaagad ng payong pambatas at bago tumugon sa subpena sa
anumang paraan. Ang mga Alituntuning ito ay hindi nagbibigay ng legal na payo kung ano ang gagawin kung
ang isang NGO ay inisyuhan ng subpena. Ang ibat ibang mga Estado at Teritoryo ay naglalapat ng ibatibang
mga batas tungkol sa mga subpena.
25