People Trafficking NGO Guidelines - Tagalog - Attorney-General's ...

Mga patnubay para sa mga NGO (Hindi-Pampamahalaang mga Organisasyon)
Nakikipagtulungan sa mga taong sumailalim sa trafficking
Tiyakin na ang lahat ng kawani at mga boluntaryo ay may kamalayan na kapag inisyuhan ng subpena ay
dapat na lagi silang hihingi ng payong pambatas sa lalong madaling panahon. Ito ay mahalaga upang
matukoy kung may anumang dahilan para hindi sang-ayunan ang subpena.
Ang CDPP ay hindi maaaring magbigay ng payong pambatas sa NGO o kumilos para sa mga NGO sa
pagbabalik ng subpena. Gayunpaman, kung ang subpena ay may kaugnayan sa isang kriminal na paglilitis
sa hukuman, kung gayon dapat isaalang-alang ng NGO na magsabi sa CDPP na sila ay inisyuhan ng
subpoena.
Kilalanin ang lahat ng mga dokumento na sa iyong palagay ay nakapailalim sa loob ng mga tuntunin ng
subpena at ibigay ang mga ito sa iyong tagapayong pambatas. Mahalaga ding makilala kung sino ang
nagmamay-ari ng mga dokumento na inisyuhan ng subpena at sino ang maaaring tumutol sa pagpapakita
ng mga dokumento. Depende sa hinihinging dokumento, ang dokumento ay maaaring pagmamay -ari ng
NGO o sa biktima ng trafficking.
Ang kautusan tungkol sa mga pagtutol sa subpena ay kumplikado. Halimbawa, maaari mong tutulan ang
pagpapakita ng mga dokumento dahil ang mga ito ay saklaw ng pribilehiyo ng pagpapayo ng komunikasyon.
Ang pagpapatakbo ng pribilehiyo ng 'protektadong pagpapayo ng komunikasyon' ay naiiba sa ibang Estado
at mga saklaw ng Teritoryo.
Ang anumang mga talaan sa mga lugar ng NGO na pinaniniwalaan mong saklaw ng pribilehiyo ay dapat na
ligtas na nakatago at may marka ng isang babala na ang mga nilalaman nito ay maaaring saklaw ng
pribilehiyo. Halimbawa: Babala: ang mga talang ito ay maaaring saklaw ng pribilehiyo.
Dapat na palagi mong sundin ang payong pambatas tungkol sa kung paano tumugon
sa subpena. Papayuhan ka ng iyong tagapayong pambatas kung mayroong anumang mga dahilan upang
tutulan ang pagpapakita ng anuman o lahat ng mga dokumento.
Kung ikaw ay pinayuhan na ang mga dokumento ay saklaw ng pribilehiyo, kailangan
mong igiit ang paghahabol sa pribilehiyo sa hukuman nang personal o sa
pamamagitan ng sulat. Maaari mo pa ring kailanganing ipakita ang mga dokumento sa hukuman upang ang
hukuman ang maaaring magpasya kung ang pagtutol ay makatarungan.
Ang partidong nag-isyu ng subpena ay dapat magbigay ng pera upang matugunan ng NGO ang
makatwirang mga gastos ng pagsunod sa subpena.
Ano ang dapat mong gawin kung ikaw ay inisyuhan ng subpena?
Ikaw ay tumutulong sa isang babaeng ssumailalim sa trafficking na makahanap ng
trabaho at tirahan. Ilang buwan ang nakalipas nakausap mo ang babae tungkol sa
kanyang karanasan kabilang ang mga pangyayari ng personal na karahasan laban sa kanya. Ang babae ay
lubhang namomroblema at isinaayos mo ang isang tagapayo para sa seksuwal na pang-aabuso na
makipagkita sa kaniya. Ikaw ay palaging nagpapanatili ng mahusay na mga tala ng iyong pakikipag-usap sa
mga kliyente at itinatago ang mga ito nang maingat. Inimbistigahan ng AFP ang kaso at ang CDPP ay
naghahanda para sa paglilitis. Nang ikaw ay umuwi ng bahay ngayong araw na ito binigyan ka ng isang tao
ng abiso na nag-uutos sa iyo na magbigay ng mga kopya ng
lahat ng iyong mga file sa hukuman. Ano ang dapat mong gawin? Para sa payo kung
ano ang gagawin basahin ang seksyon 8.1 at 8.2.
8.3. Palaging payuhan ang biktima ng trafficking tungkol sa subpena
Kung ang NGO ay inisyuhan ng subpena, dapat ipagbigay-alam ng NGO sa biktima ng trafficking sa lalong
madaling panahon. Ito ay sa dahilang ang mga dokumentong tinutukoy sa subpena ay maaaring pag-aaari
ng biktima.
Kung ang mga tala ng pagpapayo sa kliyente ay ipinadala sa hukuman nang walang pahintulot ng kliyente
maaaring magkaroon ng legal na mga kahihinatnan para sa
indibidwal na manggagawa o sa NGO. Ang kliyente ay maaaring gumawa ng legal na
aksyon laban sa manggagawa, tagapayo o NGO kung sila ay hindi inabisuhan ng tungkol sa pag-iisyu ng
subpoena.
26