ՆՈՐՔ 2017-III
2017-3
2017-3
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Դե մենք էլ գրեթե ընտանիքի անդամ ենք...<br />
Քեռի Մայիսի խորովածն առանձին մի երգ է:<br />
Նախերգանքը՝ շուկան է, ուր վաղ առավոտը<br />
քեռի Մայիսի թարմ միս ընտրելն է․<br />
բծախնդիր, խոժոռված փնթփնթում է, թե՝ ուշ ենք եկել, ընտրություն չկա։<br />
Հետո․ բադրիջան-մադրիջան, լոլիկ-մոլիկ ու խոտ-համեմունք...<br />
Ճաշից հետո էլ մեղեդուն միանում է ածուխը՝ Ռոբսոնի, Արմսթրոնգի<br />
կամ թեկուզ Էլինգտոնի նման սև մանգալին,<br />
իսկ Մայիս քեռին՝ դիրիժոր Հերբերտ ֆոն Կարայանի տեղում է:<br />
Ապոթեոզ․ հյութալի խոզի խժռում՝ մադրիջան-մոլիկի համեմված սոուսով,<br />
տանտիրոջ պահեստից տնական գինով՝<br />
Միշա (տեղի բարբառով) քեռու և Օլյա` նրա սևաչյա տիկնոջ<br />
պատվին կենացներով առատ մեծարում․․․<br />
Այսպիսի մի երգի առիթով կեսգիշերը մինչև բաժանվում ենք՝<br />
քնելու ուղեկցող պատմություն լսելով. թե ինչպես վաթսունականներին<br />
դատախազից փախփխող քեռի Միշան<br />
չորս տարի ապրեց արևմտյան Ուկրաինայում,<br />
քանի դեռ Անապայում կալանք էր սպառնում վեցամյա՝<br />
մի բանի համար, ինչն այսօր բարեգործություն է համարվում:<br />
Թերևս, մեր այս տարօրինակ կյանքի մասին խոհերին<br />
անապյան տապը իսկի չի տրամադրում...<br />
IV<br />
Անապյան արևը կիզում էր և տրամադրում`<br />
միայն երկարատև հանգստի, երբ շոգից ուժասպառ՝<br />
Կազակների շուկայից հասած բալը շալակած,<br />
ծանոթ ճանապարհով տուն վերադարձանք,<br />
և սուսիկ-փոսիկ Ռիտան ասաց․ պապը մահացավ...<br />
Հայ կանայք սև շորեր հագան,<br />
տղամարդիկ` մռայլ ծխելով տեղավորվեցին նստարաններին, որ սպասեն,<br />
մինչև որոշում կայացվի․<br />
ե՞րբ թաղեն՝ կարգով թե՞ մի փոքր ուշ․<br />
երկու եղբայրներն էլ Թբիլիսիում են՝ մինչև մուտքի վիզա ստանան,<br />
մինչև գան-հասնեն, դրանից էլ բացի՝<br />
մահվան թուղթը հազիվ վաղվա կեսօրին կտան...<br />
Հաջորդ առավոտ լայն բացվեց դարպասը,<br />
և՝ հետը անպետք իր համար փաստաթուղթը բերած,<br />
Քեռի Միշան դարձավ իր վերջին գիշերվա օթևան․․․<br />
101