ՆՈՐՔ 2017-III
2017-3
2017-3
Create successful ePaper yourself
Turn your PDF publications into a flip-book with our unique Google optimized e-Paper software.
ՊՈԵԶԻԱ ԱՐՇԱԿ ՍԵՄԻՐՋՅԱՆ<br />
ԱՐՆԱՀԵՂ ՏԱՆԳՈ<br />
Կայծակի նման մի ակնթարթում,<br />
Մարեցին բեմի բոլոր լույսերը,<br />
Ու մթնած բեմում արյուն էր կաթում,<br />
Եվ թնդում էին հզոր ծափերը:<br />
Բացվում է բեմը ու նրա խորքում,<br />
Կիսամերկ աղջիկ՝ ժպիտը դեմքին,<br />
Արյունն ու հուրը իր խենթ հայացքում,<br />
Խելագար փարվեց իր պարող զույգին:<br />
Եվ հնչեց տանգոն՝ կայծակի ձայնից,<br />
Մեղեդին ձուլվեց հայացքին նրանց,<br />
Խելահեղ ճիչեր լսվեցին բեմից,<br />
Ուր վարարում էր խենթ կիրքը անսանձ:<br />
Բեմի արյունն էր աղջիկը հագել,<br />
Ու կարմիրով էր զույգին լվանում,<br />
Հոգու կրքով էր տղային գրկել,<br />
Եվ հնչյուններն էր խելագար խմում:<br />
Շքեղ պարուհին կրքի զոհ դարձավ,<br />
Պատռեց զգեստը ու նետեց գետնին,<br />
Իր խենթ պոռթկումից զույգն անէացավ,<br />
Կիրքը նվիրեց գժված մարմնին:<br />
Հնչում էր տանգոն ու արնոտ ճիչով,<br />
Զույգ մարմինները տապալում գետնին,<br />
Հանդիսատեսն էլ սառած հայացքով,<br />
Զոհ դառնում պարի ամեն հնչյունին:<br />
Տանգոն դարձել էր էրոտիկ մի պար,<br />
Սերն էր թափառում՝ արյուն խմելով,<br />
Եվ թռչկոտում էր կիրքը մոլագար,<br />
Շքեղ տանգոյի խենթ հնչյուններով:<br />
Ու չէր դադարում տանգոն արնահեղ,<br />
Աղջիկն էր զույգին փաթաթված ճչում,<br />
Տղան էլ փարված մարմնով ահեղ,<br />
Կրքից ոռնում էր ու արյուն շնչում:<br />
Տղան պարուհու մարմինը գրկեց,<br />
Երբ որ վերջացավ տանգոն խելագար,<br />
Արնոտ մարմնին արցունքներ թափեց,<br />
Մարմնին վառված, ուր էլ կիրք չկար:<br />
82