Heft 3/2008

Rundschau
Juni in Neeborg (Neuenburg, Kreis
Friesland) is ton vullen Erfolg worrn.
Över 140 junge Spälers vun teihn Bühnen
twüschen Eems un Elv weern kamen.
De Ollenborgsche Landschop
hett dat Dräpen finanziell stütt. Twee
Froons harrn dat Leit, de Theaterpädagogin
Gudrun Oeltjen-Hinrichs ut
Ollenborg un Astrid Gries vun de
Bühn Osterholz-Scharmbeck. Arnold
Preuß, Vörsitter vun’n Bühnenbund,
meen, bi de Arbeid för’n Nawuss weer
de plattdüütsche Spraak de Winner.
Bühnenbund / hjm
Ohnsorg-Theater kriggt en nie Tohuus
Dat Ohnsorg-Theater, siet 72 Johrn in
de Großen Bleichen in Hamborg un
en Institutschoon, kriggt en nie Tohuus
in’t Bieberhuus an den Hamborger
Hauptbahnhoff. Christian Seeler, de
Intendant, seggt dorto: Mit den Ümtoch
in’t Bieberhuus an den Hachmannplatz
warrt de Existenz vun’t
Theater för de neegten Johrteihnte
sekerstellt. Dat gifft en nie modeern
Bühn, veel beter technisch Utstattung,
Platz för mehr Tokiekers un ok noch
en Studiobühn. Verkehrsgünstig blifft
dat ok. De Hauptbahnhoff un ok dat
Schauspielhaus sünd gegenöver, animeert
de Minschen rintokieken. Wichtig
is ok, dat de Intrittspriesen stabil
blieven schöölt. Mit den Ümtoch is in
de neegsten dree Johrn to reken un
man will höpen, dat dat Theatersaison
2010/11 in de nie Ümgegend speelt
warrn kann. So kriggt ok dat fröher
Kulturzentrum Bieberhaus dörch dat
Ohnsorg-Theater wedder nie Leven.
So kann dat nedderdüütsch Ohnsorg-
Theater getroost in de Tokunft kieken.
Christa Heise-Batt
MUSIK
De platte Wacken-Fan
An’n Anfang vun’n August geiht dat
lütte sleswig-holsteensche Dörp Wacken
(Kreis Steinburg) tokehr. Dat
Heavy-Metal-Konzert is anseggt, wat
söbentigdusend Minschen antrecken
deit. Un jümmer mellt sik den ok de
plattdüütsche Schriever Karl-Heinz
Groth to Word. ”Un merrn in’e Stuuv
uns hoffnungsvulle Nawuss, vun baben
bet nerrn in Swatt, un up sien T-
Shirt stunn ‚Slayer‘. Ik dach, mi schull
de Slag drepen. Wat dat schull, fröög
ik em. ‚Dat is Heavy Metal, Papa, de
best Musik vun’e Welt. Dor versteihst
du nix vun. Du kennst bloots Mozart
un Beethoven. De höört sik för uns jüst
so stampi an as för di Heavy Metal.
Okay?‘ Okay. Wat bleev mi anners
över. Heavy Metal weer ‚cool‘. Dag för
Dag ‚pauern‘ uns nu Bands as ‚In Flames‘,
‚Kataklysm‘, ‚Slayer‘, ‚Iced
Earth‘, ‚Helloween‘, ‚Iron Maiden‘ un
‚Endguy‘ üm de Ohrn – ut dree Rüüm.
Un denn keem de Dag, wa se mi kort
un bünnig to verstahn geven, dat se,
all dree, in’n August över’t Wekenend
na Wacken fohrn wulln. ‚Wacken?‘
fröög ik recht wat dösig. ‚Dat’s en lütt
Buerndörp neeg bi Itzehoe‘ (...)”
Blangenbi: De Buurn vun Wacken freit
sik jümmer up dat Konzert. Weck wüllt
in de Künn krägen hebben: Heavy
Metal is öllig kommodig för de Keuh,
un se gäävt denn mehr Melk as annertieds.
Sylter Rundschau /
Wacken 2008 /
hjm
103
Quickborn308-1.Korr.
103
22.09.2008, 9:50 Uhr