Heft 3/2008

LESERBREVEN
Anmerkungen aus der Redaktion zu zwei Leserbriefen
I. J. Müller-Roselius an Dr. Ulf-Thomas Lesle in 1/2008
Rückblickend bedaure ich, dass ich den Brief in dieser Form
abgedruckt habe. Ich hätte JMR bitten sollen, seinen eigenen
Ärger über Lesles Lüttjepütt-Aufsatz zu formulieren, statt Bellmanns
Äußerungen kurz vor dessen Tod zu zitieren.
Bolko Bullerdiek
II. Heinrich Ohm an Thomas Stelljes in 2/2008
Leve Herr Ohm, Se schrievt, dat Se mit Kritik goot ümgahn köönt.
Man Se bewiest denn dat Gegendeel. In den Breef staht en Reeg
Sätz, de na mien Dünken so nich tolässig sünd:
1. “(Se sünd) to jung, um över düsse Tiet ordelen un Kritik öven
to könen.”
2. “En gewissen Antisemitismus schämert dörch ehrn ganzen …
Text.”
3. “Wo nehmen se dat Recht her, een Empfehlung to geven?
Wüllen se annere Minschen dorvun afholen plattdüütsche Böker
to lesen? … So en Empfehlung steiht se nu würklich ni to.
Beholen se de egen Meen för sik; is’n goden Raat vun mi! Sowat
stüürt wedder op Bökerverbrennung to!”
4. “Sünd se överhaupt een richtigen Plattdüütschen?”
To 1: Wat een kritikfähig is, hangt nich von sien Öller af, man
von sienen Kopp. Dat harrn de ölleren Lüüd woll geern, dat se
mit so’n dummerhaften Satz de jüngeren Lüüd dat Muul verbeden
kunnen.
To 2: Antisemitismus mööt Se an’n Text beleggen. Dat is unanstännig,
enfach to behaupten, wat dat “so dörchschämert”! Wenn
en Leser dat Geföhl hett, dat enkelte Steden in Ehr Book psychologisch
nich to glöven sünd (un dat is mi an enkelte Steden
ok so gahn), denn is dat keen Antisemitismus.
To 3: De Rezensent hett nich blots dat Recht, een Empfehlung to
geven, man de Plicht. He schall de Lesers dat lichter maken, dat
richtige Book to finnen. Also mutt he seggen un begrünnen,
worüm he en Book för goot höllt un dat anner nich. Un wenn he
dor de Kraasch nich to hett, denn verfehlt he sien Opgaav.
Kritik bedüüdt, dat man sick nadenkern mit en Book beschäftigt.
Dat is dat Gegendeel von Bökerverbrennung – ok denn,
wenn de Kritik den Autor weh deit.
109Leserbreven
Quickborn308-1.Korr.
109
22.09.2008, 9:50 Uhr