April 2024

Borkum-Aktuell
DAS INSELMAGAZIN
Ein Woord up platt
Döntjes ut Oostfreisland
Ein Buur was in Auerk up dat Hengstkören west un over Nacht wegbleven. As heij
weer in Huus kwamm, kunn heij de erste Nacht haast kein Slaap finden. Man dann fullen
hum de Oogen dicht. Miteins flog heij over Ende un reip hart un düdlek:
„Gretchen, Gretchen!“
„Mit well bist du an’t proten?“, verfehrde sück sien Frou.
„Och, mien Tüüt, ik mutt de heile Tied an dat eine Peerd denken, dat was so ein
baldadeg moij Deier“, see de Buur.
Ein paar Dage later houde sien Frou so allemachdeg mit de Dören, dat ballerde man so.
„Wat hest du, Ollske?“ fragde de Buur, „bist quaad?
„ Ja, ik bin düchdeg quaad“, ziesde seij, „dat Peerd hett di ein Breiv schreven!“
****
Jaap kwamm weer stapelduun na Huus. Sien Ollske hett hum kunfermeiert un uk seggt,
dat heij mit dat supen uphören sull un heij muss ein ander Menske waarden.
Dat hett Jaap uk tauseggt, umdat heij uk ein bitje bang was för sien Frou.
Man ein paar Dage later kwamm Jaap weer besopen na Huus.
Sien Frou an’t futern: „Ik doch, du wullt ein ander Menske wesen?“
„ Ja, dat bin ik uk waarden, man wat kann ik dran daun: dej ander Menske suppt uk!“
***
In de Benaate van Auerk hett ein Doktor sien kranke Patienten besöcht. Heij was jüüst kein
Magermieger un as heij weer in Auto stiegen wull, was de Lücht ut de Reifen gahn. Heij hett
sülvst an’t pumpen west, man daarbi is hum de Brauk schört. Heij hett ein Frou in de Strate
fragt, off seej hum helpen kunn. As seij klar wass, wull de Doktor hör ein bitje Geld geven,
man heij harr sien Knippke vergeten. „Maak ik andermal,“ see heij, „ ji könen mi driest
mahnen!“
Dagen later kwamm heij weer dör dat Dörp. Miteins flog ein Fenster open un dej Frou reip
over de Strate:“ Herr Doktor, Herr Doktor – ik krieg noch wat för de Büx!“
Woordverklaren: kunfermeiern – jemand den Kopf zurechtsetzen; Hengstkören – für die Tierzucht aussuchen,
wählen; verfehren – erschrecken; baldadeg – großartig, riesig; quaad - böse; ziesen – zischen, äußerst böse;
stapelduun – sturzbetrunken; kunfermeiern – jemand den Kopf zurechtsetzen; futern – schimpfen; Benaate –
Nähe; jüüst kein Magermieger - nicht gerade dünn; Brauk schört - Hose gerissen; Knippke – Geldbörse; Büx
– Hose;
Allerbest
Jan Schneeberg
Auf der Seite „Olde Tieden“ finden Sie
plattdeutsche Geschichten mit Übersetzung
und als Hörspiel von Jan Schneeberg.
www.olde-tieden.de
62