You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Rey es bon conseio: auert as a llegar 2091 [2254<br />
que quando te touieren: <strong>non</strong> te puedas tresnar<br />
ca podrie na tresna: muy rafez omne errar<br />
podrie por poco <strong>de</strong> yerro: la fazienda dañar<br />
Diz el rey semeiame: cosa <strong>de</strong>saguisada 2092 [2255<br />
pora iazer rey preso: con su barua legada<br />
ternia mi fazienda: toda por mal ondrada<br />
se l mio po<strong>de</strong>r perdiesse: sola una uegada<br />
Quequier que tu fagas: yo bien o quiero sofrir 2093 [2256<br />
que tages & que quemes: <strong>non</strong> me ueras bollir<br />
Aristobolus que duldas: ca rafez soy <strong>de</strong> guarir<br />
auras bon galardon: <strong>de</strong> mi a reçebir<br />
El mege fu alegre: & d el assegurado 2094 [2257<br />
busco bonas nauaias: el fierro bien temprado<br />
taio a todas partes: enancho el forado<br />
echo fuera l fierro: que azie sofondado<br />
Sofriolo bien el rey: estido bien pagado 2095 [2258<br />
se ioguies dormiendo: <strong>non</strong> yaria mas quedado<br />
nen nariz cambiada: nen rostro <strong>de</strong>mudado<br />
nunca lo entendio: nul omne por quexado<br />
Ouo atan grant coyta: pero a <strong>de</strong>uenir 2096 [2259<br />
que ouo <strong>de</strong> su seso: sen su grado a exir<br />
/fol. 130r/<br />
cayo amorteçido: ouo a enflaquir<br />
tanto que a las uozes: <strong>non</strong> sabie recodir<br />
Fu per la albergada: el lanto leuantado 2097 [2260<br />
todos tenien <strong>de</strong>l rey: que era ya passado<br />
quanta fu la tristiçia: <strong>non</strong> serie osmado<br />
se <strong>non</strong> fusse <strong>de</strong> omne: que lo ouiesse prouado<br />
Coyta <strong>de</strong> bon señor: quien a podrie asmar 2098 [2261<br />
quien una uez la gosta: siempre ha que llorar<br />
quien no la ha prouada: <strong>de</strong>ue a Dios rogar<br />
que nunca ge la <strong>de</strong>xe: en este mundo prouar<br />
El maestro al rey: sobolo bien guardar 2099 [2262<br />
pusol bonos emplastos: pora l dolor temprar<br />
quiso Dios que la cosa: que l ouo a prestar<br />
con la merçed <strong>de</strong> Dios: ouo bien a meiorar<br />
Quando uioron que era: el rey ya meiorado 2100 [2263<br />
el llanto el lloro: en gozo fu tornado<br />
el que anda en el mar: perdido & lazdrado<br />
<strong>non</strong> serie mas alegre: quando es arribado