You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
el rey Alexandre: touos por guarido<br />
mas fue <strong>de</strong>l otra parte: Dario mal confondido<br />
Las mesnadas: fueron mal <strong>de</strong>sarradas 913 [960<br />
no s podien llegar: tant eran <strong>de</strong>smayadas<br />
ca ueyen que las nouas: que les auien contadas<br />
eran por mal peccado: otra guisa paradas<br />
El rey Alexandre uos quiero enseñar 914 [961<br />
verdat uos quiero <strong>de</strong>zir: <strong>non</strong> uos cuedo errar<br />
qual contenençia ouo: & empeço a far<br />
quando uio las yentes: <strong>de</strong> Dario assomar<br />
Tendio a Dios las manos: cato a su fito 915 [962<br />
Señor dixo que prestas: a toda cosa muyto<br />
el tu nombre sea: loado & uendicho<br />
que <strong>de</strong> toda my cueta: tiengo que oy mas quito<br />
Señor agra<strong>de</strong>çertelo: yo esto <strong>non</strong> podria 916 [963<br />
que me das auer: tan fiera alegria<br />
siempre te pedi esto: & fago oy dia<br />
ca por esto exi: <strong>de</strong> Corintia la mia<br />
Tornos a sus uassallos: que seyan <strong>de</strong>rredor 917 [964<br />
començo a fablarlles: a muy grant sabor<br />
amigos diz uee<strong>de</strong>s: grado al Criador<br />
ponesenos nostra cosa: cada dia meyor<br />
Todos nostros contrarios: uienennos a las manos 918 [965<br />
[RECLAMO] an <strong>de</strong> fincar<br />
/fol. 59r/<br />
an <strong>de</strong> fincar conusco: sol que pren<strong>de</strong>rlos queramos<br />
todo nostro lazerio: aqui lo acabamos<br />
nunca contrasto auremos: si esto quebrantamos<br />
Lo que doña Uictoria: nos ouo prometido 919 [966<br />
anolo Deo gracias: lealmientre comprido<br />
fizonos buen compieço: quando Me<strong>non</strong>a fue uençido<br />
mas aqui iaz el gaaño: & el preçio complido<br />
De oro & <strong>de</strong> plata: uienen todos cargados 920 [967<br />
todos relampan: tant uienen afeytados<br />
estos con Dios ayna: tenellos por rancados<br />
ca por fer buen barnaga: uienen mal aguysados<br />
Non traen guarnimientos: <strong>de</strong> ombres <strong>de</strong> prestar 921 [968<br />
semeian mugieres: que s quieren preçiar<br />
fierro uençe fazienda: cuemo lo oyestes cuntar<br />
e coraçones firmes: que lo saben durar