volume - Centro Documentazione Luserna

ZBOA BÖRTAR AS BIA BIAR
Bar håm gemacht dizza libarle un disa musikkassette zoa
as da alle di Lusernar un cselln vo Lusern un von hoacha
perng von Folgarait-Lavraun und Lusern, mang höarn un
lesan gesinga as bia biar.
Vil laüt bo da kemmen at ünsarne hoachan perng vo Folgarait
fin in Vesan odar Slege, ben sa seng un höarn di
nem von beldarn, bisan, ekkarn, haüsarn, Laüt vorstiansa
ke da hat ma geredet alttaücs. Ben sa boln bissan mearar,
kinten köt ke at dise perng hat ma geredet “zimbrisch”, di
zung bo ma redet no herta ats Lusern.
Fin est niamat hat gemag höarn ünsar alt zung vort vo Lusern.
Est pit disar kassette a niagladar obarall in di belt mage
höarn ünsar zung gesunk odar geredet. Disa guata idea
hånse gehat ünsarne cselln Aldo Forrer, vo Folgarait, un
ünsar Adolf (Nicolussi Zatta). Se håm gesribet di börtar
un se singen. Bar köden “vorgels Gott”: est alle di Lusernar,
un soine kindar bo da soin vort, mang höarn såi
zung, di zung von soin altn, un gedenkanse vo soin lånt,
vo Lusern.
Un alle ünsarne cselln o, mang vorstian ke Lusern un soi
zung soin no lente, un bölln net aussterm.
Di bestn grüas vo Lusern.
Luigi Nicolussi Castellan
President von
Dokumentationszentrum Lusern
5