Diaspora shqiptare dhe - Lajme / News Albemigrant

Përjetë e vërej shëmbëlltyrën tënde në re
Pa e ngurruar mundin e dashurisë së shenjtë
As duke u zhurritur për ta mbajtur gëzimin dhe frikën
E tmerrshme
Vaj por vdekja e fton me vete dhuntinë
I ri degdisesh së shpejti si një gjeth përndryshe
Zambakët e bardhë përpëliten thellë me lëngun e tyre
Të paturbulluar
LULJA E LUFTËS
Valë shterpe lëkundin botën vallë
Duke dashur ta ngresh përmbi kulme poezinë
Pa jetën e shenjtë të përflakur mund të
Digjesh nga turpi
Ty yll i butë i ndritshëm ta jap të drejtën
Të gjykosh Çfarë qetësie në mbrëmjen e plotë
Sa thellë më fton ta shpupuris magjinë
E melankolisë
Lule e pastër e luftës Kryengritës të rinj
Vëllezër të zjarrtë ushtarë të kalamendur nga armët
Më i dëshpruari është bërë mbarim i qartë
Rënkim i këputur
Vargu pa gjak shkretëtira përtacia
E strukur në dëshirën e trashë që lulëzon lirshëm
Kujdesi i vdekjes sytë m’i drejton kah qielli
Lufta e përjetshme
Gabriela Melinescu
(Gabriela Melinesku)
Është njëra nga poeteshat më të njohura rumune. U lind më 16 gusht të vitit 1942, në Bukuresht.
Kreu Fakultetin e Filologjisë në kuadrin e Universitetit të Bukureshtit. Debutoi me përmbledhjen e parë në
vitin 1965 (Ceremonie de iarna/ Ceremoni dimri). Disa nga vëllimet e saj më të suksesshme janë: Qenjet
abstrakte, Brendia e ligjit, Sëmurja me prejardhje të shenjtë, Betimi mbi varfërinë, Kundër të dashurit, Jeta
kërkon jetë, Poezi, si dhe një numër tjetër veprash të botuara, të përkthyera, dhe të shpërblyera. Në gjuhën
shqipe, vargjet e saj i ka prezentuar Flaka e Shkupit (1975). Sipas Marin Minku-t: cilësia dominuese e
Gabriela Melineskut është inteligjenca. Përgjatë viteve të studentërisë munda ta provoj këtë gjë, ngase
kolegja ime e zeshktë, të cilën Nikita vjente ta marrë pothuajse për çdo ditë nga kurset, ishte e vetmja
krijesë (jo aq abstrakte) me të cilën mund të diskutoja për poezinë e Jon barbut. Poezi femërore dhe qenje
abstrakte. Dashnore të azdisura që të pyesin: More djall, ti po më do? Planeta të degdisura dhe njerëz të
varfër që kanë frikë mos të shembet anija e çmuar e qiellit. Viteve të fundit, Gabriela Melinesku jeton dhe
krijon në Suedi. Konsiderohet si një nga shkrimtarët më të konsakruar të Evropës.
JO JO
Përkujtoje si rri shtrirë mbi tokë
Dhe nuk di asgjë
Për budallain që ulërin në drejtim të Zotit
Të nderuarit dhe të tjerët janë këtu