Diaspora shqiptare dhe - Lajme / News Albemigrant

GJENDJE SHPIRTËRORE
Ajri im rend përpara frymëmarrjes sime,
Gjaku im rend përpara zemrës sime,
Gjethet rendnin përpara drurëve
(Muret kishin zëra zogjsh)
Muret rendnin përpara zogjve,
Zogjtë rendnin përpara zemrës sime
Para kalojnë retë, natën,
Kimera të bardha që e kërkojnë shtatin
Apo flokun tënd që digjet si ndonjë heretik
Përmbi turmën e akullt të yjeve
I jepni një nge ajrit që të bjerë
Mbi plagët tona prej triumfi
U jepni një nge yjeve që të zbresin
Përmbi gruan që dremit pranë meje
U jepni një nge gjetheve, zogjve,
Gurëve, drurëve
Dhe sidomos i jepni një nge zemrës sime
Që të shkojë pas tyre,
Dhe t’i arrijë.
VASHA ME SHKREPSA
Shkrepsë që digjesh deri vonë, vashë
Me një kuti flakësh të panjohura
Që digjesh deri sa zgjohesh e ngrirë
Pranë dhëndërrit tënd me fustan prej vashe!
Ti, lot prej fosfori, ti, dritë e dëshpëruar
Që digjesh nën ura, lucernë…Strehë kujtimesh,
Që shuhesh nga fosfori i natës së fundit të pagjumësisë…
Vashë me lojëra që digjen në padije;
Që ia ke vënë flakën fjalës kujtim!
Mircea Cărtărescu
(Mirçea Kërtëresku)
Është poeti më i lexuar rumun, që nga Bukureshti e deri në Amerikë. U lind më 1956. Botoi
vëllimet Fenerë, vitrina, fotografi (Faruri, vitrine, fotografii, 1980); Poema dashurie (Poeme de amor,
1983), Gjithçka (Totul, 1985); Lavandi (Levantul, 1990); Dashuria (Dragostea, 1994) etj. Romani i tij
Përse i duam gratë (De ce iubim femeile), u shit brenda një kohe të shkurtë, në një tirazh prej 40 mijë
ekzemplarësh. Gjatë këtij viti i botohet në Amerikë romani Melankolia (Melancolia). Sipas kritikut Marin
Minku, poeti është i preokupuar me hulumtimin e anës afektive (dashuruese) të fjalimit, pra është i
interesuar të hulumtojë në çfarë mase bashkëkohore “senetimentale” merr pjesë në ringjalljen e lirizmit.
Kërtëresku, sipas tij, gëzon suksesin e lehtë për t’u bërë njëfarë (Jon) Minulesku aktual.
DOKUMENT OLOGRAF
I dashur