Diaspora shqiptare dhe - Lajme / News Albemigrant

Nuk e di si do ta rrisim
Ngase qielli është një akvarium
Të cilin na e vë Zoti mbi kokë
Në çdo mëngjez
KONVIKTI KAFKA
Larg shtëpisë
Ky tingull i uritur prej tuli të pjekur të natës
Kjo ulërimë që e përkujton frikën e tubuar në turma
Plehërash me fëlçi hip-hop
Funeralë të ngjitur për gojët
Që u qeshin me salltanet shokëve të tryezës
Tebdil kaloja
Lozonjare
Me krahët plot magjepsje të harlisura
Clara Mărgineanu
(Klara Mërxhineanu)
U lind në Bukuresht (4 korrik 1972). Ka kryer degën e Komunikimit audovizual në kuadrin e
Universitetit Kombëtar të Artit Tetaror dhe Kinematografik. Më 1991 debutoi në shtyp, ndërsa më 1995
botoi librin Akti i Parë apo Kupa e Iluzioneve. Vëllime vargjesh: Të Dielat e gjora, Bast për miqësinë,
Dyer të ndërtuara për një fat tjetër, I burgosuri i lirisë, Valle me grushtin në zemër. Disa nga poezitë e saj e
kanë parë dritën e botimit në gjuhën frenge dhe angleze. Është anëtare e Lidhjes së Shkrimtarëve të
Rumanisë dhe autore vjershash prezente në kuadrin e disa antologjive të botuara në Bukuresht. Që nga viti
1995 ushtron funksionin e redaktorit pranë Shoqatës Rumune të Televizionit. Shkruan ese dhe reportazhe,
realizon intervista dhe dokumentarë, redakton revistën Letërsia dhe Arti.
VALLËZOJ ME UJQIT
...po të mos kisha ndjenja do të isha bërë
gruaja më e mençur në botë (Anais Nin)
Ndoshta i ke humbur krejt luftërat,
Po qe se e ke nisur njërën kundër meje,
Në përrallë, hamshorët hanë zjarr,
Në jetë, pinë gjak.
Kaosi i plleshëm është një formë e lirisë
Kur vendos ta përdhunosh shpirtin
Me kujtimet e mishit,
Kam dezertuar,
Në kohën kur vreri e bën efektin e qetë,
Vallëzoj me ujqit,
Në rrugën Kovaçi.
KUSHTRIMI I FUNDIT
E kam për borxh një poem
Të më shërrojë nga koha e shkelur nën këmbë,
Nga vërtitja e saj përmbi shpartallimin,
E kam për borxh një poem