Diaspora shqiptare dhe - Lajme / News Albemigrant

Përshkoj distanca të mëdha kthehem lodhem
E marr që nga fillimi pa kuptim shpërndaj ngrohtësi
Erdha në botë që të kem uri
Etje gjumë ngrohtësi ftohtësi
Dhe të ndjej e të them në aq mënyra
Të kërkoj zgjidhje të jem përtace
Të pres të mos kem durim
Rri në një karrige me jastëkun e vogël
Si një zog mbi një degë
(Një zog pa zë)
Qielli i kaltërt
Shijoj nga zgjyra në gojë
Qetësinë e tmerrshme
Dhe një helikë në trurë
MORE PROF
More prof sa më vjen mirë
Që shpëtova prej teje
Kaloje ndërmjet nesh i parfumosur
Si një pranverë e ashpër
Me sy blu apo ngjyrëkaprolli
(“Ndiqe hartën e dashur”)
Kalova nëpër shkollë dhe ende nuk e di
Ku gjendet mali Gëina
Kam kaluar nëpër shkollë
Dhe e kam mëndjen si askurrë të çveshur
Ul me ndrojtje shikimi
Më ngulet si një gjylpërë në shpinë bumballash
(“Ta bëjmë një shëtitje në hartë”)
E ndiqja gishtin tregues
Rryma të ngrohta e të ftohta
Tjera kontinente
Tjera sentimente
Udhëtime në hartë
Për rumunët e rinj
(“Ndiqe hartën e dashur”)
Në disa pika ke qenë edhe ti
Në disa anë është më ndryshe ka diell
Unë jam një zogzë e vlagtë ashpërsisht e nxehtë
E rënë nga dega me çokun përtoke
More prof përse po na fyen
Përse nuk mundohesh të shikosh përse harron
Përse nuk çan kokën të jesh siç je
Nganjëherë ëndërroj kanapetë e blerta në mur
Universin e thjeshtë pas shpinës sonë
Dhe ty mor prof me kryet katror
Prof i paharruar
Ndërsa para teje ç’mendon djelmosha
Dhe vasha
Rradhë-rradhë
Qafë për qafe duke u puthur
Duke të mësuar ç’është dashuria
Që nga mosha 17 vjeçare
Mos u brengos ngase të gjithë jemi këtu