Diaspora shqiptare dhe - Lajme / News Albemigrant

aktiv i komunitetit armenas, deputet dhe senator, zëvendëskryetar i Lidhjes së Shkrimtarëve të Rumanisë.
Ka botuar dhjetra libra dhe qindra artikuj, studime, ese ekonomike, beletristike, letrare dhe politologjike.
Është laureat i disa çmimeve të larta për librin më të mire të vitit 1994 (prozë), ndërsa vargjet e tij e kanë
parë dritën e botimit edhe në veprat e zgjedhura nga Evropa Qëndrore dhe Lindore për Konferencën
amerikane të American Literatry Translators Association (Chicago, 2002). Bibliografi letrare: Shamani i
kaltërt, Përmendorja e Komandorit, Syri i bardhë i Mbretëreshës, Jezusi me njëmijë krahë etj.
TË PAPËRSËRITSHMIT
Kam vallëzuar
Para se të fillojë muzika
Në ritmin e dritave të shenjta
Filluan të lulëzojnë gështenjat
Dhe përpara eli lama sabactani
Fillova të hesht
Që të mos më detyrosh të ta jap emrin
I turbullova ujërat në rrugën tënde
Që mos të të pasqyrojnë
Ne jemi ata që jemi:
Bukuroshja dhe armenasi
Që shkruajnë mbi gjithë ato libra të shpërndarë
Një incunabulum*
* incunabulum - një ekzemplar libri shumë i vjetër dhe i çmuar,
i shkruar para fillimit të shtypit, para vitit 1500.
PAMUNDËSIA E DRITËS
Lindem për çdo ditë nga Fryma e Shenjtë
Të pashkëputura
Fanitjet e mia enden nëpër botë
Pasqyrat më përsërisin si një varg
I ditur përmendësh
Drita më vendos
Në secilin sy të argjendtë apo mbi ujë
Prej njeriu apo prej engjëlli
Që më shikon
Takohemi në dritat e kryqëzuara
Ata që ngjajnë me mua duan shpirtin tim
Më kot ta vjedhin
Unë e di se cili prej nesh është i vërtetë
Në çdo fytyrë tjetër timen
Mungon shëmbëlltyra ime për ty
ÇMIMI
Asgjësi si një ëndërr
Zbres nëpër sende
Në arën e verdhë
Ti je një tjetërsoj lule e diellit
Përgjatë ditës dremit mbi gjurmët e hënës
Si të të prek nëse jo duke më shkëputur nga trupi
Si nga një petk i përdorur dhe i vjetër
Si të të mbuloj me gjallërinë time
Nëse s’është një plagë që e nxjerr në pah
Kështu do të jetë. Dhembje e lazdërim së bashku
Si një copë temjani