Read - Al-Faqeer

Al habib Seyyid Umar bin Abdallah bin Seyyid Ahmad Al Sheikh Abu
Bakar bin Salim (Mwinyi Baraka ). Amezaliwa Zanzibar katika mwaka
1918. Naye alikuwa ni miongoni mwa vijana walionyanyukia katika malezi
kamili ya Uislamu. Alipomaliza masomo yake ya mwanzo katika Qur an
Aliendelea kuhudhuria Majaalis za jioni katika misikiti mbalimbali mjini hapo.
Alikuwa ni kijana ambaye uwezo wake katika kuhifadhi Qur an na uzingatiaji
katika masomo ya skuli ulikuwa ni wakupigia mfano. Katika skuli, masomo
yake ya msingi na yale ya sekondari aliyapata katika shule za kawaida za
Serikali ya Zanzibar.
Baada ya kufanya vyema katika masomo ya Cambridge, aliweza kuendelea
katika Chuo kikuu cha Makerere Uganda. Kwa muda wa miaka mitatu
alikuwepo chuoni hapo kuweza kuhitimu Shahada ya: “Diploma in Bias and
Biology”. Mara baada ya kuhitimu masomo yake, alirejea Zanzibar ambapo
alianza kufundisha masomo ya Dini ya Uislamu, na pia alifundisha Biology
katika Vyuo Vya Waalimu Dole na Beitil El Rass.
Kwenye miaka ya hamsini mwanzoni, Al Habib alienda tena kusoma
London Uingereza katika School of Oriental And African Studies. Ambapo
alipewa Shahada ya Diploma katika Islamic and Comperative Law. Na pia
alitunukiwa Shahada ya Diploma katika Lugha ya Kiarabu. Aliporejea tena
Unguja katika mwaka 1955, Al Habib aliteuliwa kushika Wadhifa mwingine
tena Principal katika Muslim Academy, kuanzia mwaka 1960 – 1963. kisha
alipatiwa Schoolarship kutoka Commonwealth kwenda Oxford Univesity
Uingereza. Huko alifaulu vyema katika masomo yake “Comperative Religion
And Philosophy”. Hapo akatunukiwa Degree ya Ph.D.
Al habib Umar alikuwa ni miongoni mwa masheikh wanaotuminiwa
katika kuzilea Roho/Nafsi za waumini. Ambao pia wanajulikana kuwa ni
Masheikh wa Kisufi (Taswauf). Miungini mwa Masheikh zake ni pamoja na Al
Habib Umar Bin Abu Bakar Bin Sumeity, na pia Al Habib Ahmad Bin Hussein
Bin Abu Bakar Bin Salim.
Siku ya tarehe tatu March 1988, Sawa na Mwezi 17, Rajab, 1408, Mwaka
wa Kiislamu ilikuwa ni siku nzito iliyojaa majonzi kwa wale wote waliokuwa
wakimfahamu Al Habib Umar Bin Abdallah (Mwinyi Baraka). Kwani
Alitwawafu akiwa huko katika Visiwa vya Comoro.
“Tunamuomba Mwenyezi Mungu Sub hanahu Wata`ala, ainyanyue
juu Roho yake, Yeye pamoja na Masheikh wote wengine, Maulamaa
pamoja na watu wema wote ambao wametangulia katika Imaan”.
“Amin”