BERRIA - datu-basea16
BERRIA - datu-basea16
BERRIA - datu-basea16
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
erria<br />
2010eko uztailaren 9a, ostirala Gure gaia Munduko Kopa 2010 3<br />
dantza batzuen nahasketa bat<br />
zen.<br />
Rashidi Yekini<br />
Nigeria 1994<br />
Ez zen sartzeko gol zail-zaila izan,<br />
baina Nigeriak Munduko Kopa<br />
batean lortutako aurrenekoa izan<br />
zen Yekinirena. 1-0ekoa zen, eta<br />
Arrano Berdeen aurrelari titularra<br />
ate barruan sartu zen gola sartu<br />
eta berehala. Belauniko jarri,<br />
eta sareari heldu zion bi eskuekin.<br />
Begiak itxi eta Dallasko (AEB) Cotton<br />
Bowl estadioko harmailetako<br />
batean zeudenei mintzatu zitzaien<br />
oihuka, zerbait erregutu<br />
nahiko balie bezala. Azkenean, 3-0<br />
irabazi zion Nigeriak Bulgariari,<br />
D multzoko ligaxkako lehen jardunaldian.<br />
Munduko Kopa bukatu<br />
ondoren, Sporting Gijongoak fitxatu<br />
zuen Yekini.<br />
Diego Maradona<br />
Argentina 1994<br />
Ordurako, 33 urterekin, bere onenak<br />
emanda zegoen, eta denbora<br />
dezente zeraman maiz jokatu<br />
gabe. Halere, Alfio Basile hautatzaileak<br />
AEBetara eraman zuen,<br />
Munduko Kopa laugarrenez joka<br />
zezan. Argi zegoen izan zenaren<br />
erdia ere ez zela, baina Munduko<br />
Kopa hartan Argentinak jokatutako<br />
lehen partidan, Greziaren<br />
kontrakoan, gol bikaina sartu<br />
zuen; bere selekzioaren hirugarrena<br />
(4-0). Ondo lotu zuten argentinarrek<br />
jokaldia, eta, area ertzera<br />
helduta, baloia Maradonaren<br />
oinetara. Jaurtitzeko keinua<br />
egin, itxaron, eta bigarrengoan,<br />
bai, bigarrengoan jaurtiketa. Eskuadrara.<br />
Gol bikaina. Taldekideak<br />
atzetik zihoazkion bitartean,<br />
telebista kamera bati mintzatu<br />
zitzaion, amorruz, «hemen<br />
nago ni» esanez bezala. Baina selekzioarekin<br />
sartutako azken<br />
gola izan zuen hura. Hurrena Nigeriaren<br />
kontra jokatu, ligaxkako<br />
bigarren jardunaldian, eta partidaren<br />
ondorengo dopin kontrolean<br />
positibo eman zuen, efedrina<br />
substantziarekin. Positibo ematen<br />
zuen bigarren aldia zen —lehenengoa<br />
kokainarekin izan zen,<br />
1991n—; bere ibilbidearen akabera<br />
ia-ia.<br />
Bebeto<br />
Brasil 1994<br />
Herbehereek eta Brasilek 1994ko<br />
Munduko Kopako partidarik zirraragarrienetakoa<br />
jokatu zuten.<br />
3-2 nagusitu ziren brasildarrak,<br />
Kaviedes Ekuadorkoa Costa Ricari sartutako gola ospatzen, 2006an. ROBERT GHEMENT/ EFE<br />
Mazinho, Bebeto eta Romario Brasilgoak, 1994an. <strong>BERRIA</strong><br />
Milla Kamerungoa, 1990ean. <strong>BERRIA</strong><br />
Yekini Nigeriakoa 1994an, Bulgariari gola sartu ondoren. <strong>BERRIA</strong><br />
Ahn Hego Koreakoa patinatzen, 2002an. <strong>BERRIA</strong><br />
Maradona, 1994an. <strong>BERRIA</strong><br />
baina haien aldeko 2-1eko gola,<br />
Bebetok sartutakoa, inoizko ezagunenetakoa<br />
da. Izan ere, gerora<br />
beste kirolari askok imitatu dute<br />
aurrelari brasildarraren keinua.<br />
Bebeto korrika hasi zen, pozez zoratzen,<br />
aurpegiko irribarrea eta<br />
emozioa disimulatu ezinik. Besoak<br />
mugitzen hasi zen, haur jaioberri<br />
bat kulunkatzen ariko balitz<br />
bezala. Zelaiaren albo batera heldu,<br />
eta Mazinho zein Romario taldekideak<br />
batu zitzaizkion. Hirurek<br />
keinu bera errepikatu zuten<br />
eskuekin. Kontua da gola sartu<br />
baino egun batzuk lehenago jaio<br />
zela Bebetoren hirugarren haurra.<br />
Ahn<br />
Hego Korea 2002<br />
Ahn hegokorearra herrikide batekin<br />
gogoratu zen, AEBen kontra<br />
berdinketaren gola sartu ondoren<br />
(1-1). Irristatzen hasi zen, eta segituan<br />
taldeko batzuk batu zitzaizkion<br />
kornerrera bidean. Kim<br />
Dong Sung izotz patinatzaile hegokorearra<br />
omendu nahi zuten.<br />
Izan ere, hilabete batzuk lehenago,<br />
Salt Lake Cityn (AEB), urrezko<br />
domina irabazi zuen 1.500 metroko<br />
proban Neguko Olinpiar Jokoetan,<br />
baina azkenean kendu egin<br />
zioten, Apolo Anton Ohno estatubatuarrari<br />
traba egin ziola erabaki<br />
baitzuten epaileek. «Gure herria<br />
minduta dago oraindik, eta elkartasuna<br />
adierazi nahi izan diogu»,<br />
esan zuen Ahnek, AEBen<br />
kontrako partidaren ondoren.<br />
Kaviedes<br />
Ekuador 2006<br />
Ekuadorko selekzioaren izarretako<br />
bat zen, erreferenteetako bat,<br />
baina Ivan Kaviedesek matxino<br />
fama zeukan. Hori bai, 2006ko<br />
ekainaren 15 hartan herrialde<br />
guztia emozionatu zuen, Costa Ricaren<br />
kontrako partidan, A multzoko<br />
ligaxkako bigarrengoan,<br />
3-0ekoa sartu zuenean. Korrika<br />
hasi, elastikoaren azpitik Spidermanen<br />
mozorroa atera, eta aurpegia<br />
estali zuen harekin. Otilino<br />
Tenorio Mozorroduna selekziokidea<br />
izandakoa omentzen ari zen<br />
Kaviedes. Munduko Kopa jokatu<br />
baino hilabete batzuk lehenago<br />
hil zen, auto istripu batean. Tenoriok<br />
tela batekin estaltzen zituen<br />
begiak gol bat sartzen zuen bakoitzean.<br />
Spidermanen mozorroa<br />
atera nahi zuen Alemanian jokatzekoa<br />
zen Munduko Kopan, baina<br />
Kaviedesek jantzi zuen haren<br />
omenez.