BERRIA - datu-basea16

VIII TURISMOA GOIERRIN ETA TOLOSALDEAN
Dolarea Hotelaren logela bat. Guztira 20 gela ditu, horietako bat suitea. Hoteleko leihotik ikus daitezkeen baserri banaren izena du gela bakoitzak. FAKTORE
Dolarea, lau izarreko hotela Goierrin
Ostalaritza ›› Bailarako ostatu zerbitzuetan beste
aukera bat ireki du Beasaingo Dolarea Hotelak;
lau izarreko lehenengo ostatua da Goierrin.
Beasainen, Goierriren erdi-erdian,
Gipuzkoa barnealdeko lau izarreko
hotel bakanetakoa dago: Dolarea
Hotela. Beasaingo ingurune
historikoaren barruan, Igartzako
monumentu multzoko eraikin zaharberritua
egokitu dute Iban
Mate eta Arantxa Rancho senaremazte
beasaindarrek, Xabier
Agirre aktore legorretarrarekin
ekimenean. Erdi Arotik benta eta
ibiltarien babesleku izandako tokian,
XXI. mendeko ostalaritza eskakizun
zorrotzenei erantzuteko
prestatu dute.
Dolarea etxea XVII. mendean
eraikia da. Igartza bidegurutze garrantzitsu
izan zen Erdi Arotik
XIX. mendera arte, han elkartzen
baitziren San Adriango pasabidetik
kostaldera zihoan errepidea,
eta geroago Leintz Gatzagatik eta
Etxegaratetik irekitako zalgurdi
bideak. Historiaren erroetara itzuli
dute, beraz, Dolarea, berriz ere
ostalaritza zerbitzua emateko.
Ostalari esperientziadunak
Matek eta Ranchok Beasainen
bertan garatu dute orain arte ostalaritzako
ibilbidea. Nafarroa etorbideko
Dolarea jatetxetik Igartza
multzoko Dolarea Hotelera jauzi
egin dute orain. Lotura sakonagoak
ere badituzte hotela dagoen
eraikinarekin, ordea. «Ni etxe honetan
jaioa naiz, haurtzaroa hemen
pasatu nuen, eta gurea Dolarean
jaiotako seigarren belaunal-
dia da familian. Beraz, sentimenduek
zerikusi handia izan dute
proiektu honetan sartzerako unean.
Beti sentitu dut zer berezia baserri
honekiko», dio Iban Matek.
Oztopo asko gainditu behar izan
dituzte hotela lau izarreko kategoriadun
establezimendu bihurtuta
ikusteko. «Udalak Dolarea hotel
bihurtzeko erabaki zuenean bizitza
guztiko ilusioa gauza zitekeela
ikusi nuen, eta proiektua xeheki
aztertu ondoren aurkeztu ginen».
Erosotasuna eta historia, bat
Dolarea Hotelaren arduradunek
tokiarekiko duten sentimendu bereziak
isla badu eraikinaren izaeran.
Lau gizaldi atzera egin daiteke,
baina bien bitartean gaur egungo
ostatuei eskatzen zaizkien
eskakizun, erosotasun, luxu kontzeptu
eta kalitate aldagai zorrotzenekin
gozatzeko moduan.
«Barrualdea erabat berreraiki
dugu, estilo modernoa eta minimalista
emanez. Kanpotik baserriaren
jatorrizko itxura mantendu
dugu. Kontraste nabarmena bilatu
dugu horrekin; batetik,
eraikinaren berezko izaerari eutsi,
eta bestetik gaur egungo irudia eta
erabilgarritasuna isuri».
Dolarea Hotelak 20 logela ditu,
atsedenerako eta erosotasunerako
osagarri guztiekin hornituta. Suitea
da geletako bat, «zerbait bereziagoa»
nahi duten bezeroentzat.
Jatetxea ere badu, 180 lagunentzat
Kafetegia, 400 urteko dolarearekin eta Dolarea zaharraren irudiarekin. FAKTORE
kabida duena. Lehengo jatetxean
garatu duten sukaldaritza eskainiko
du Mate-Rancho bikoteak hotelean.
Nafarroa etorbideko jatetxeak,
bestalde, martxan jarraituko
du Xerbera izenarekin.
Dolarea Hotela jatorrizko
funtziora itzuliko da,
XVII. mendean bidaiarien
ostatu izan baitzen
Antzinako baserriaren
izaerari barrua erabat
berritu diote, moderno
eta minimalista estilora
Veronicaren ardurapean, aretoa
handituta eta irudi berrituz ekingo
dio bigarren garaiari.
Igartzako multzora itzuliz, Dolarea
Hotelaren jardunean kafetegia
da hirugarren zutabea. Gustuz
eta aparteko eguratsez apaindua,
kafetegiak bezeroa XVII. mende-
ko bentan sentiaraziko du. Jatorrizko
horma bat dago, eta baserriari
izena ematen dion osagai
funtsezkoaren gordailu da: sagardotarako
sagarra zanpatzeko dolare
zaharra.
Egurrezko dolareak 400 urte
ditu. Zaharberritu eta erakusgai
dago. «Hainbesteko historia duen
gune batean kafea hartuz lasai egotea
luxua da», aurreratu du Matek.
Egonaldia inguru paregabean
Atez barrura duen eskaintzaz gain,
atarira irtenda ere ikuskizunak ez
du etenik Dolarea Hotelean. Igartza
multzo arkitektoniko osoa behatzen
da parez pare. Hotela bera
eraiki eta irekitzeak jarri dio azken
puntua, gainera, multzo guztia
osatzeko proiektuari. Beasaingo
ondare historikoa berreskuratuta
eta ederki paratuta dago dagoeneko
Igartzan. «Horrez gain, lehen
ez zegoen produktu turistikoa sortu
da, eta bizilagunak bezala turistak
harrituta uzten ditu». Dolarea
GOIERRIKO HITZA ETA TOLOSALDEKO HITZA
OSTIRALA, 2010EKO UZTAILAREN 9A
›› DOLAREA HOTELA
]Herria. Beasain (Goierri, Gipuzkoa).
]Non. Igartzako monumentu
multzoan.
]Eraikina. XVII. mendeko benta
eta baserria.
]Zerbitzuak. Lau izarreko hotela
(20 gela, suite 1), jatetxea (180 lagunentzat),
kafetegia.
Erreserbak
]Telefonoa. 943 889 888.
]Faxa. 943 883 889.
]Weba. www.dolareahotela.com
]Posta. info@dolareahotela.com
Hotelak bisita gidatuak antolatzen
ditu Igartza multzora.
Dolarea, gozatzeko prest
Erabat berrituta, ateak zabalik ditu
duela aste batzuetatik Dolarea Hotelak,
bere ostatu, jatetxe eta kafetegi
zerbitzuekin gozatu nahi duenarentzat.
«Hotelaren irekierak
jakinmin handia piztu du, eta irekitzerako
jada erreserba eskaerak
jaso genituen. Udarako gelak hartu
dituzte bisitariek, eta gehiago
hartzen jarraitzen dugu».
Telefonoz eta Internetez egin
daiteke erreserba. Goierrin opor
egunak pasatu nahi dituzten turistek
aurkitu dute Dolarea Hotela.
«Orokorrean nabaritu dugu bisitatzen
gaituzten turistak naturazaleak
direla, mendian lasai paseatzea
gustuko dutenak, edo Goierriko
herriak ezagutu nahi dituztenak.
Hemengo kulturaren, eguraldiaren
eta gastronomiaren bila datoz,
hori nahi dute. Ordu erdiko bidean
kostaldean gaude, gainera».