FRATRUM MINORUM - OFM

84 AN. CXXIV – JANUARII-APRILIS 2005 – FASC. I
omnia Domino offerentes pro missionibus
et missionariis». Caritatem exercuit erga
proximum ac praesertim erga consorores,
quas hortabatur ut sese gererent iuxta propriam
vocationem.
Virtutes prudentiae, iustitiae et patientiae
excoluit. Non permisit se automiserationibus,
querelis vel complorationibus implicari.
Testificationes dedit constantis simplicitatis,
humilitatis, alienationis a se ipsa
et a terrenis opibus, et iam a iuventute sensus
mortificavit per exercitium paenitentiae,
vitam plane gerens secundum franciscalem
spiritum.
Extremis quoque horis vitae erga personam
ministrantem ostendit eximiam sollicitudinem.
Paulo ante obitum nomen Divini
Redemptoris pronuntiavit, cui ipsa victimam
holocausti ob amorem sese obtulerat;
et die 30 mensis lanuarii anno 1935 Dominus
eam ad se vocavit.
Perpensa eius diffusa sanctitatis fama,
Patriarcha Venetiarum Causam beatificationis
et canonizationis incepit, instruens Inquisitionem
Dioecesanam annis 1986-1987.
Iuridicam huius Inquisitionis validitatem
Congregatio de Causis Sanctorum comprobavit
per decretum die 15 mensis Maii anno
1992 vulgatum. Apparata Positione, disceptatum
est num Serva Dei gradu heroico virtutes
excoluerit. Felici cum exitu, die 16
mensis Decembris anno 2003 actus est Congressus
Peculiaris Consultorum Theologorum.
Patres Cardinales et Episcopi in Sessione
Ordinaria congregati die 18 mensis
Maii anno 2004, audita Relatione Ponentis
Causae, Exc.mi D.ni Ottorini Petri Alberti,
Archiepiscopi emeriti Calaritani, edixerunt
Servam Dei virtutes theologales, cardinales
eisque adnexas heroice exercuisse.
Facta demum de hisce omnibus rebus
Summo Pontifici Ioanni Paulo II per subscriptum
Cardinalem Praefectum accurata
relatione, Sanctitas Sua vota Congregationis
de Causis Sanctorum excipiens rataque
habens, mandavit ut super heroicis Servae
Dei virtutibus decretum conscriberetur.
Quod cum rite esset factum, accitis ad Se
hodierno die infrascripto Cardinali Praefecto
necnon Causae Ponente meque Antistite
a Secretis Congregationis ceterisque de mo-
re convocandis, eisque astantibus. Beatissimus
Pater sollemniter declaravit: Constare
de virtutibus theologalibus Fide, Spe et Caritate
tum in Deum tum in proximum, necnon
de cardinalibus Prudentia, Iustitia,
Temperantia et Fortitudine, eisque adnexis,
in gradu heroico, Servae Dei Seraphinae ab
Angelis (in saec.: Victoriae Gregoris), religiosae
professae Instituti Sororum Franciscalium
a Christo Rege, in casu et ad effectum
de quo agitur.
Hoc autem decretum publici iuris fieri et
in acta Congregationis de Causis Sanctorum
Summus Pontifex referri mandavit.
Datum Romae, die 22 mensis Iunii A. D. 2004.
IOSEPHUS CARD. SARAIVA MARTINS
Praefectus
+ EDUARDUS NOWAK
Archiep. tit. Lunensis
a Secretis
2. Electio Ponentis in Causa Beati Simonis
de Lipnica
CONGREGATIO
DE CAUSIS SANCTORUM
Prot. N. 600-15/04
CRACOVIEN. Canonizationis Beati SIMO-
NIS DE LIPNICA Sacerdotis professi Ordinis
Fratrum Minorum.
Cum Causa Canonizationis Beati Simonis
De Lipnica, Sacerdotis professi Ordinis
Fratrum Minorum, suo indigeat Ponente,
Rev.mus P. Lucas De Rosa, Postulator Generalis
eiusdem Ordinis, ab hac Congregatione
de Causis Sanctorum petit ut, ex Patribus
eidem Congregationi praepositis, Ponentem
eiusdem Beati Causae eligere ac
deputare benigne dignetur.
Haec Congregatio, attentis expositis,
precibus annuit, et Em.mum ac Rev.mum
Dominum D. Iulianum S.R.E. Cardinalem
Herranz, Ponentem Causae praefati Beati
Simonis De Lipnica, omnibus cum iuribus
et facultatibus necessariis et opportunis,