samla vurdering av småkraftverk i fjærland ... - Luster Energiverk

2.0 Fjærland Samla vurdering av småkraftverk i Fjærland
2.6 Friluftliv
Fjærland er ei bygd med mange moglegheiter for å drive med friluftsliv, og det er ein viktig
kvalitet for innbyggarane. Friluftsliv er eit omfattande omgrep som dekker mange aktivitetar som
fjellturar med og utan ski, brevandring, sykling, hesteriding, jakt, fiske, fugletitting, bading/båtliv
og fleire andre aktivitetar. Nokre av aktivitetane er knytt til tilrettelagde avgrensa område, mens
andre aktivitetar er knytt til meir generelle område og kanskje spesielt område som ikkje er
tilrettelagd. Eit eksempel kan vere bading på offentleg tilrettelagd strand som er viktig for
mange, men badeområde som ikkje er så lett tilgjengeleg kan og vere viktig, særleg for lokale.
Enkelte friluftsaktivitetar og opplevingar er meir generelle og ikkje direkte knytt til eitt område.
Desse kan likevel vere viktige, både lokalt, regionalt og nasjonalt:
- Det meste av kommunen vert nytta til turar enten til fots eller på ski. Mens
enkelte skal høgt til fjells, kan andre ha stor glede av ein tur i skogen bak huset.
Sjølv om det ikkje er tilrettelagd sti i eit område, kan område vere viktige for
enkeltpersonar og det er viktig at det vert teke omsyn til.
- Kulturlandskapet og den gamle jordbruksdrifta har prega Fjærland. Både
landskapet og folka er forma av denne historia. Mange har stor glede av å nytte
gamle stølsvegar og oppleve slåttemarker og stølsvollar. Dette er ein del av
kulturmiljøet, men og eit viktig element i opplevinga når ein driv friluftsliv.
Kraftutbyggingar bør ikkje redusere desse opplevingane som kanskje særleg er
viktige for lokale.
- Jakt er ein ressurs som i stor grad vert drive av lokale i Fjærland. Hjortejakt er den
viktigaste jakta og spreidd over heile område, men det vert og jakta småvilt
spreidd over heile område. Det er ikkje villrein i området og det er heller ikkje
opna for elg- og rådyrjakt. Fjærland er delt inn i to hjortesoner. I tabellen under er
utvikling av hjortejakta dei siste åra sett opp. I snitt har fellingsprosenten vore
kring 65 og for Fjærland. Det ligg viktige vinterbeiter i Balestrand kommune.
Sjølv om nokre område gjev betre haustingsresultat enn andre, er ein stor del av
oppleving knytt til jakt ofte turen, natta på post eller samhaldet i jaktlaget.
Tabell 4: Utvikling av fellingsresultat frå 1998 til 2005.
1998 2000 2002 2004 2005
Hjort 87 79 104 123 102
Friluftsaktivitetar kan vere meir knytt til enkelte konkrete område. Under er det sett opp ein tabell
som i grove trekk peikar ut område i Fjærland som er viktige for den aktiviteten. I desse områda
må det takast ekstra omsyn til desse aktivitetane slik at dei kan oppretthaldast og halde fram å
vere ein viktig ressurs for lokalsamfunn og tilreisande.
17