samla vurdering av småkraftverk i fjærland ... - Luster Energiverk

3.0 Overføringslinjer Samla vurdering av småkraftverk i Fjærland
Seinsommaren 2006 var Sognekraft ferdig med sine vurderingar av linjealternativ ut frå
Fjærland. Fleire alternativ er vurdert, men dei fleste vart vurdert vanskeleg å gjennomføre
grunna byggetekniske og driftsmessige årsaker. I konsesjonssøknaden som vart send
september 2006, er det derfor berre alternativet frå Jordal/Lidal til Grindsdalen med 132kV som
er omsøkt. Dei faglege vurderingane i konsesjonssøknaden er gjort av Jøsok Prosjekt AS.
I samband med ny linje ut frå Fjærlandsfjorden, er det planlagd riving av alle 22kV trasear i luft
langs fjorden inn til Hatlestad. Kryssing av fjorden med 22kV vil skje via sjøkabel. Kvar desse vil
gå er avhengig av kvar 132kV transformatoranlegg vert etablert; Jordal eller Lidal.
Med trafo i Jordal vert denne enklare å drifte (veg fram) og det etablerast luftspenn (brukar
eksisterande bukkar på austsida av fjorden). Dersom trafo plasserast på Lidal vert det ikkje
luftspenn, men drifting vert vanskelegare. Desse planane føreset at dei planlagde kraftprosjekta
vert gjennomført og kan verta endra dersom det vert omfattande endringar av planlagde
kraftutbyggingar.
3.2.1 Traseskildring og nøkkeltal
Dersom transformatoranlegg i Jordal er det planlagd kryssing av fjorden i luftspenn. Ein vil då
nytte eksisterande bukkar på austsida av fjorden, mens ein må opp i lia på vestsida. Dersom ein
plasserar transformatoranlegg i Lidal, er det planlagd kabling opp kring 200 meter i same trase
som røyrgata til kraftverket på Lidal og vidare i luft opp Lidalen. Traseen er planlagd kring 100
meter vest for Nyanstølen, kring 300 meter vest for Breisete og kring 100 meter vest for Øvre
Romedalen. Traseen vil kome opp mot 1000 moh. På begge sider strekker fjella seg opp mot
14- til 1600 moh. Ned mot Grinsdalen vil linja verte synleg frå Stavsete. Her er to alternativ; eitt
kvar linja går lenger frå stølen (300m), men gjennom det mest attraktive området sett frå stølen
og eitt som går høgre og nærmane stølen (150-200m), men meir i kanten av utsiktsområdet.
Vidare ned Grinsdalen vil linja leggast lavt i terrenget slik at den ikkje vert synleg frå Dalsete,
Nyanstølen eller Gildalen. Transformatoranlegget vil plasserast like aust for Seljevollen.
Grinsdalen med stølane er vurdert som eit særskild verneverdig kulturlandskap med stor
artsrikdom og variasjon, men det er planta ein god del gran i området.
Lengde
Investeringskostnad
Tillegg ved
Jordalalternativet
Nøkkeltal
13,8 km
43 mill
1,6 mill
Merknad:
Ein del av kostnaden vil ikkje vert lagt på kraftutbyggar
grunna fleirbruk
Byggekostnadane for 132kV vert noko større, men ein
reduserer behovet for 22kV og driftskostnadar.
3.2.2 Vurderte alternativ (ikkje omsøkt)
Alternativ 2
132kV frå Jordal til Menesstølen. Lengde kring 10 km. Grunna byggemåte og skredfare vil ein
måtte bygge linja med forsterka stålmasterog betongfundament. Fare for leidningsbrot og HMSrisiko
er viktige årsaker til at dette alternativet ikkje vert omsøkt.
Alternativ 3, 4 og 5
Linje frå Jordal til koplingsanlegget på Mel. Traselengd frå 10,4 til 13 km. Linja vil måtte opp til
kring 1250 moh. og både byggekostnadar driftskostnadar og avbrotskostnadar vert svært store
grunna det dramatiske og skredutsette landskapet.
24