samla vurdering av småkraftverk i fjærland ... - Luster Energiverk

4.0 Prosjektskildring Samla vurdering av småkraftverk i Fjærland
Vurderte prosjekt: Jordal
Delområde 2: Jordal - Rauboti
Tema Kommentar Poeng
Økonomisk/-
3
teknisk
potensial
Infrastruktur
Natur og miljø
Landskap
Kulturminne
Friluftsliv
Inntak (moh.) 270 200
Fallmeter (m) 265 195
Produksjon (GWh) 20,1 15,0
Berekna kostnad (mill. NOK) 36,1 27,6
Berekna effekt (MW) 4,8 3,6
Spesifikk utbyggingskostnad (kr/kWh) 1,80 1,84
Anleggsveg:
Det vert planlagd å lage ein permanent veg ned til kraftstasjonen langs vassvegen på kring
250 meter. Bygging av vassveg oppover vil skje via eksisterande traktorveg.
Linjenett:
Den nye overføringslinja frå Fjærland er planlagd med trafo i Jordal eller Lidal. Behov for
22kV linje avhenger av plassering av 132kV trafo, men det vert enten ei kort linje eller
sjøkabel.
Generelt:
Vegetasjonstypen i prosjektområde går frå gråor-heggeskog ved fjorden og over i
storbregneskog. Elvekanten dominerast av gråor og dunbjørk.
Naturtypar:
Det er ikkje registrert lokalitetar i Jordalsdalen i samband med kommunen si registrering av
biologisk mangfald. I nedre del av prosjektområdet er det funnen innslag av fattig lågurtedellauvskog,
men dei varmekjære artane opptrer sparsamt og yngre trer dominerar.
Raudlisteartar:
Det er registrert reir av kongeørn i prosjektområdet
Konklusjon:
Tiltaket vil påverke det biologiske mangfaldet i anleggsperioden, men det er rekna at
gjengroing vil skje raskt. Noko skog vil verta påverka, men opning av granplantefelt kan veke
positivt på det biologiske mangfaldet. Prosjektet ventast å ha middels til liten konsekvens for
det biologiske mangfaldet.
Anadrom fisk:
Den anadrome strekninga av elva er 50 – 100 meter lang og det er observert einskilde
individ av sjøaure. Det er ingen eigen bestand i elva
Bekkeaure: Det er aure oppstrøms det øvste inntaket, men det er lite eigna leveområde
nedstrøms inntaket.
Konklusjon:
Konsekvensen for fisk og ferskvassbiologi er vurdert som ubetydelige.
Delområdevurdering:
Delområde Jordal - Rauboti har stor verdi og landskapsklasse A2.
INON:
Prosjektet i Jordal vil ikkje redusere inngrepsfri INON-areal.
Generelt:
Jordalselvi er synleg på einskilde strekk frå fjorden, både stryket over brua og elva på
nedsida av vegen før utløpet. Elva er og synleg i det ein køyrer over brua på vegen til og frå
Rauboti. Vassføringa i elva er påverka av tidlegare kraftutbygging ved at vatnet i
Jordalsvatnet er regulert og overført til Mel kraftverk i Vetlefjorden.
Konfliktpotensialet: Middels
Indre delar av elva er lite eksponert. Einskilde parti langs nedre del av elva eksponert mot
fjorden og ligg i eit visuelt viktig kulturlandskap
Registrerte kulturminne: Det er ikkje registrert automatisk freda kulturminne i området,
men det er fleire registrerte kulturminne frå nyare tid.
Heilskapleg kulturhistorisk miljø:
Heimastølen ligg rett over planlagd inntak, men det er ikkje registrert typeområde for
kulturlandskap i prosjektområdet
Konklusjon:
Inntak og stasjon vil ikkje påverke kulturminne og vassvegen kan tilpassast slik at påverknad
av kjende kulturminne vil kunne verta unngått. Prosjektet er venta å ha liten negativ
konsekvens for kulturminne.
Jakt og fiske:
I prosjektområde er det hjortejakt kvar haust og det er noko småviltjakt over skoggrensa.
Anna friluftsliv:
Fotturar opp til Heimastølen og vidare til Kjosane vert ein del nytta. Turen går i lett terreng
og det er trimpost på Heimastølen. Området er og nytta til bær- og sopplukking.
Konklusjon:
Redusert vassføring i elva vil redusere opplevinga av Jordalsdalen. På grunn av traktorveg
som går langs heile den råka elvestrekninga, er likevel ikkje område urørt i dag. Jakt vil ikkje
verta påverka i særleg grad. Prosjektet er venta å ha liten til middels negativ konsekvens for
friluftslivet.
-1
-1
30