samla vurdering av småkraftverk i fjærland ... - Luster Energiverk

Vedlegg
Samla vurdering av småkraftverk i Fjærland
Delområde: 4. Mundal
REGINE delfelt nr: 078.31, 078.3Z
Aktuelle vassdrag: Tverrelvi, Botnagrovi, Mundalselvi
Landskapsverdi:
** Middels
Omtale av området:
Delområdet omfattar den langstrakte og flate U-forma Mundalen, på vestsida av Fjærlandsfjorden.
Vegetasjonsbiletet er dominert av lauvskog, med innslag av edellauvskog i nedre parti mot fjorden.
Tettstaden Mundal har kai med ferjeanløp, hotell og butikkar. Tradisjonell byggeskikk dominerar, der
mellom anna Mundal Hotel er kjent for sin rikt dekorerte Sveitserstil. Mundalen er dominert av
landbruk med fleire visuelt viktige gardstun med stor bygningsmasse. Dalsidene er tydeleg forma U-
dal med veksling mellom skogkledde lier og framstikkande snaue fjellsva. Dei tre tre karakteristisk
Gretta-toppane er viktige i landskapsbiletet.
Frå Mundal er det veg utover langs fjorden og inn sjølve dalføret.
Vatn som landskapselement:
Elva i Hamradalen er delvis synleg frå Berge, men i liten grad frå fjorden. I Mundalen finn ein ei rekkje
mindre, fingreina bekkeløp på på sør-og vestsida av dalen. Hovudelvi munnar ut sør for den tette
busetnaden i Mundal.
Landskapsrom og synlegheit:
Sjølve Mundalen har ein vid, flat dalbotn med liten stigning opp frå fjordnivået dei første 3 km. Lenger
inne vert dalen brattare og svingar nordover. Inste delar av dalen er grunna retninga lite synleg frå
fjorden.
Inngrepsstatus (INON) i delområdet:
Villmarksprega område (> 5 km frå inngrep) 0%
Inngrepsfri sone 1 ( 3-5 km frå inngrep) 4%
Inngrepsfri sone 2 (1-3 km frå inngrep) 52%
Inngrepsnære område (< 1 km frå inngrep) 44%
Landskapskarakter:
Mangfald: Området er einsarta på overordna nivå med den regelmessig utforma dalføret. Det er
likevel variert i detaljrikdom med elvar, beitemark, eng, skog, gardsbusetnad, samt veksling mellom
den U-forma og visuelt lite synlege Mundalen, og sørsida av Skrednipa. Dei flate, oppdyrka områda i
nedre del av Mundalen og tettstadmiljøet ved fjorden er og viktige for det opplevingsmessige
mangfaldet.
Inntrykkstyrke. Mundalen med dei tre karakteistiske Grettatoppane har stor opplevingsverdi. Det
same har den tradisjonelle busetnaden i Mundal med fleire framståande bygg i Sveitsarstil.
Kontrastane mellom bratte fjellsider og flate jordbruksområder er og slåande landskapsfaktorar.
Heilskap: Området har generelt eit godt heilskapspreg og er representativt for kvalitetane i regionen.
Busetnad, vegføringar og jordbruksområde med gardstun er harmonisk og logisk plassert i
landskapet i høve naturlege føresetnader. Ingen vesentleg skjemmande inngrep.
Landskapsklassifisering: B1
75