samla vurdering av småkraftverk i fjærland ... - Luster Energiverk

Vedlegg
Samla vurdering av småkraftverk i Fjærland
Delområde: 2. Jorddal - Rauboti
REGINE delfelt nr: 078.40, 078.4A, 078.4B10, 078.4B1A, 078.4B1B, 078.4B20, 078.4B2A,
078.4B2B, 078.4B3, 078.4B4, 078.4C, 078..32
Aktuelle vassdrag: Jorddalselvi, Rauboti, Hatlestadelvi
Landskapsverdi:
*** Stor
Omtale av området:
Delområdet omfattar den vestlege fjordsiden i Fjærlandsfjorden mellom Hammarsnes og Fjærland.
Landskapsområdet er noko meir variert i utforminga enn austsida. Terrengprofilen strekk seg frå
fjorden og bratt opp mot 1200 meter langs heile strekninga. Lauvskog dominerar i fjordsidene opp
mot 8 – 900 moh. Fleire parti med snaut berg og skreløp bryt opp vegetasjonsdekket.
Samanhengande strekning med gardar og innmark ved Distad skapar kontrastar til fjellet bakanfor.
Ved Jorddal munnar det ut eit dalføre som i vesentleg grad bryt opp landskapet visuelt. Sett frå
fjorden har ein her god visuell kontakt inn mot dei høgareliggjande fjelltoppane ved Grøndalsnipa.
Av markerte, framstikkande landskapsformasjonar, er Hammarsnes og Lyngsetefjellet dei viktigaste.
Utanfor (sør) Hammarsnes er landskapet lite prega menneskeleg aktivitet, utanom kraftlinja, som er
relativt lite dominerande i landskapsbiletet om sommaren. Mellom Hammarsnes og Jorddal finn ein
fleire gardar. Garden Teigen er fråflytt og utan vegsamband, men innmarka er open og framstår med
grøne bakkar i kontrast til skogkledde, bratte lier og snau rasmark. Ved Rauboti og Jorddal er det
vegsamband frå Fjærland og større gardsbruk med busetnad og aktiv drift.
Ei kraftlinje kryssar fjorden ved Rauboti. Vardafjellet viktig landskapsform der gardane Distad og
Hatlestad markerar eg tydeleg i landskapet langs fjorden.
Vatn som landskapselement:
Mellom Hammarsnes og Jorddal er vatn eit særs viktig landskapselement. Ein finn fleire mindre elvar
som i periodar med nedbør har stor vassføring og er godt synleg frå fjorden. Desse har stor
innverknad på landskapsopplevinga. Både Svalåna og elveforgreiningane ved Teigen har stor verdi.
Desse er ikkje omfatta av utbyggingsplanar. Elva ved Rauboti er synleg frå fjorden i avgrensa parti,
medan Jorddalselvi mellom fjorden og inn til dalmunningen er tydeleg eksponert over store delar av
fjordpartiet.
Langs fjellsida under Vardeafjellet er fleire markerete bekkeløp som er godt synlege frå fjorden og
langs riksveg 5 i Bergsdalen. I periodar med nedbør eller snøsmelting vil desse har stor innverknad
på landskapsopplevinga. Utanom Hatlestad, er det ikkje planlagt utbygging i dette området.
Landskapsrom og synlegheit:
Hammarsnes danner eit skilje mellom ytre og indre delar av delområdet. Jorddalen eit markert dalrom
med lite innsyn frå fjorden. Elles er heile fjordsida i landskapet visuelt eksponert.
Fjellsidene under Vardafjell er tydeleg eksponert mot fjorden og rasteplassen lang Rv 5 ved Berge.
Hamradalen innanfor Hatlestad danner eit lite, men tydeleg utforma landskapsrom som visuelt er utan
innsyn frå fjorden. Frå Berge har ein godt innsyn i dalføret.
Inngrepsstatus (INON) i delområdet:
Villmarksprega område (> 5 km frå inngrep) 0%
Inngrepsfri sone 1 ( 3-5 km frå inngrep) 9%
Inngrepsfri sone 2 (1-3 km frå inngrep) 44%
Inngrepsnære område (< 1 km frå inngrep) 47%
Landskapskarakter:
Mangfald: Stor variasjonsrikdom i de fjordeksponerte fjellsidene, svaberg, skreløp, edellauvskog og
fleire elvestrengar. Busetnad bidrar og til variasjonen.
Inntrykkstyrke. Bratte fjordsider med høg og dramatisk profil langs det tronge fjordløpet har stor
inntrykkstyrke
Heilskap: Landskapsområdet er ikkje i vesentleg grad dominert av større tekniske inngrep. Natur i
kombinasjon med tradisjonell, småskala busetnad ivaretek heilskapspreget.
Landskapsklassifisering: A2
73