POR UMA DEMOCRACIA RADICAL - ecrim

dir ao conxunto da poboación un tema como o da persecu-
ción das persoas en situación irregular; o tremendo «muro
da vergoña» que temos montado en Barajas, o complicado
que resulta vir e permanecer de forma regular no Estado español,
etc. En realidade, existe unha grande desinformación
ou unha información manipulada sobre as cuestións relacionadas
coa situación da poboación migrante aquí. Isto é un
grave problema que supón unha discriminación máis que sofre
o colectivo migrante da Galiza. Nesa liña cómpre indicar a
responsabilidade da Administración Central, concretamente
dos gabinetes de prensa das Forzas de Seguridade do Estado
e o tratamento informativo inadecuado de cuestións relacionadas
con delitos que inducen a fomentar na opinión pública
estereotipos racistas e discriminatorios. Responsabilidade
compartida cos propios medios de comunicación social e os
profesionais do xornalismo.
En relación con isto último, penso que temos un reto importante
e difícil de conseguir: o camiño ten que ser achegar
a dura realidade cotiá de persoas en situación irregular,
e amosar a fonda inxustiza desta situación e realidade, así
como a propia inxustiza legal que supón unha lexislación como
a que temos, que non garante, como decote insistimos
desde o Foro, a igualdade de dereitos. Debemos resaltar que
hai unha parte da poboación residente actualmente no Estado
español, moitos veciños e veciñas nosas e que non teñen
os mesmos dereitos. Por tanto, é fundamental coñecermos
persoas concretas, para sermos capaces de superar os tópicos
e informacións manipuladas que recibimos.
En fin, cómpre promover unha forte contestación social,
unha rebelión pacífica e democrática pero contudente
para impedir que a famosa crise supoña e xustifique socialmente
a posta en marcha de actuacións contrarias aos derei-
— 110 —