POR UMA DEMOCRACIA RADICAL - ecrim

posse de Barack H. Obama como presidente dos E.U.A., mas o
certo é que, além da pervivência da guerra em Afeganistám e
do campo de detençom de Guantánamo, hoje vivemos umha
etapa diferente. Dito de um jeito sintético, ainda correndo o
risco de perder densidade analítica, hoje cabe ver o Estado de
exceçom da primeira década do século —com retóricas como
a do New American Century— como umha sorte de golpe de
Estado global impulsado pola Administraçom estadounidense
numha fase de declive do seu modelo de capitalismo global,
no sentido de afirmar no quadro soberano imperial umha
relevância capital do paradigma monárquico, sustentado na
hegemonia militar, e nom financeira ou produtiva 19 .
Se o decorrer dos acontecimentos no curto prazo continuar
a corroborar esta hipótese, cabe ver que o fracasso desse
golpe de Estado conduziu para umha nova etapa, na qual a
emergente soberania global se vai construir com um ritmo
diferente e, sobretudo, de acordo com umha geometria de
poder claramente mais multipolar 20 .
Sendo assim, cabe reparar numha terceira eiva das análises
de Agamben sobre o Estado de exceçom global. Este último
plano de reconsideraçom conduz a pensar que se calhar
o autor italiano sobrevalorizou a relevância dos componentes
globais no excecionalismo da primeira década do século, provavelmente
porque nom podia ter umha perspetiva maior no
momento em que escreveu os seus textos. Do mesmo jeito
em que Sassen salienta nos seus últimos trabalhos que a conformaçom
de um espaço global se fai desde quadros institucionais
acusadamente «nacionais» 21 , em que as necessidades
de cada contexto estatal pesam de jeito crucial, cabe ver que
no excecionalismo penal dessa etapa o global nom foi por
completo determinante. Com efeito, com a clara exceçom dos
E.U.A. e do Reino Unido, Estados onde a reformulaçom do
— 90 —