ENYUVESIYAKAZULU - UZSpace Home
ENYUVESIYAKAZULU - UZSpace Home
ENYUVESIYAKAZULU - UZSpace Home
Create successful ePaper yourself
Turn your PDF publications into a flip-book with our unique Google optimized e-Paper software.
2.11.2 Imvunulo yalabasikati<br />
Imvunulo yalabasikati fana neyalabadvuna yinyenti kakhulu. Lapha sitawusika<br />
lelijikako.<br />
2.11.2.1 Sidvwaba<br />
Umuntfu lomsikati ngesiSwati uphelela kuba mfati nasekafakwe sidvwaba.<br />
Sidvwaba sentiwa ngesikhumba sembuti. .Kulisiko JesiSwati kutsi umfati ahlale<br />
agcoke sidvwaba kukhombisa inhlonipho ekhakhakhe. Kantsi nanobe kunemicimbi<br />
nje njengemitsimba, lutsango lubonakala ngetidvwaba. Sidvwaba siba sidze sibe<br />
ngentansi kwemadvolo. Kulamalanga sekunesidvwaba lesentiwa ngendvwangu<br />
ngobe phela naku imphahla seyaba yindlala. Umuntfu nakafuna kwenta umsebenti<br />
sewuze asitwe kuyotsenga emapulazini kantsi kudzala timbuti betitsechitsi saka<br />
nelive. Sidvwaba sigcokwa ngisho natalukati. Phela talukati ukhandza setichoba<br />
tintfwala emsendvweni.<br />
2.11.2.2 Sicholo<br />
Make ngesiSwati ubonakala ngesicholo. Vele usuke make angakavunuli waphelela<br />
nangakafaki sicholo. Kuyinhlamba ngesiSwati kutsi umfati ahambe ngenhloko.<br />
Labasikati banenhlanhla ngobe ngisho nasenkantolo bayangena nesigcoko. Sicholo<br />
sisigcoko sesintfu. Kulamalanga sekuneticholo letibitwa ngekutsi tipumpha ingani<br />
phela setentiwa ngetinwele tekutsengwa, leti longatsi ngemashoba hhayi ngeboya<br />
kepha nanato tisenta wona umsebenti wesicholo. Inhloko yabomake ihlonipheke<br />
kakhulu ngesiSwati. Angeke nani umfati ahhule tinwele indvodza isaphila. Ake<br />
wenta njalo ngabe uyayiphahla lendvodza.<br />
2.11.2.2 Sidziya<br />
Sidziya nanaso sakhiwa ngesikhumba sembuti. Siyashukwa silungiswe kahle bese<br />
siniketwa makoti. Sidziya senta make ahlonipheke futsi siluphawu Iwekutsi<br />
92