ENYUVESIYAKAZULU - UZSpace Home

leseyakhotsama, Sobhuza Wesibili ukubeka kucace loku nangemagama akhe
aphefumula atsi:
Kutsi i-Afrika iyawukhululeka ngetsembe nangifundza insimu
netindzaba temhlaba letibitwa belumbi ngekutsi Vi-History of
the World, lapho ngabona tive letatikhona endvulo,
kusenendvulo, kukhona iGibhitha lokwakubonakala kutsi
yengamele umhlaba, kodvwa yawa netive letinye tawa kwate
kwetewufika kulesinye sikhatsi lapho kwangena
nakubomaNgisini, nabomaJalimane nabo bonkhe, kuye
embusweni lomkhulu, lokwakutsiwa yiRoma. Lapho, tonkhe
letive lesetitibeke embili lamuhla kutsi ngitona tive tatisalala
emihomeni, tilobola bafati ngemilente yetimpunzi. Lamuhla
sowungabe uyabetfuka nasebandiza bayawufika etinyangeni,
bayawufika kuphi kuphi, kutsi ngubo labebanjengatsi.
(Simelane naBhembe, 2000:161).
Kuyamangalisa kutsi ngibo kanye labaMhlophe lebabona tsine singemacaba
kwangatsi bona bavela banje ngobe phela umlandvo ukubeka kucace kahle
kutsi nanabo bebanjengatsi njengoba iNgwenyama iphawulile ngenhla.
Lokubuhlungu kutsi belumbi bebati kamhlophe kutsi bantfu banayo inkholo
futsi bayamati uMdali kepha bona bafika nekwabo lebekunetinhloso
letehlukile kunekuletsa Iivi leNkhosi nje. Loku kufakazelwa ngunankha emavi
aChidester, (1996) nakabeka atsi:
While denying the Africans political rights, British government
reports found that African religion provide bUilding blocks for
reconstructing a racial segregated and separated South Africa.
Ironically, after a century of denial, the government found not
only that African had a religion but that they had a useful
religion to the extent that religious beliefs and practices kept
the tribal system intact.
(Chidester, 1996:206).
Kuyacaca nawufundza lamavi langenhla kutsi befika belumbi batfola sivele
sinenkholo yetfo kepha nje kutsi bona bebanetinhloso tabo letenta kutsi
bangavumi kutsi lokwetfu yinkholo kepha basihlindzabeta ngaleyabo. Loku
kwenta kwangatsi bantfu abamati uMdali kube loko kungemanga laluhlata
klaba. Kuyadzabukisa kuva umuntfu lomnyama aphika kutsi labaphansi
bakhona futsi bayakhuluma ngetento nangemaphupho. Loku kubuhlungu
148