ENYUVESIYAKAZULU - UZSpace Home

SEHLUK04
.4.0 INKHOLO YESINTFU (YEMASWATI)
4.1 Singeniso
Nakukhulunywa ngenkholo yesintfu kulukhuluni kabi kukhuluma ngayo
ungawatsintsi emasiko ingani phela inkholo yesintfu isemasikweni aleso sive.
Lapha kepha kutawutanywa kutsi ichazwe lenkholo yesintfu kutsi iyini
kubuywe kubukwe nenkholo yekuchamuka netifikanamtfwalo kutsi ibe nasiphi
sandla etimphilweni tebantfu labamnyama. Kutawubuye kuvele kutsi inkholo
yesintfu yona ingavuselelwa kanjani kute ihlonipheke ngobe naku labanyenti
bayitsatsa njengentfo lengasho lutfo lebucaba. Kwenda nalabanye, (1997)
bachaza inkholo yesintfu kutsi ayifani naleletinye tinkholo lekumele umuntfu
ashunyayelwe khona aphendvuke kepha isengatini yakhe umuntfu lowo futsi
inkholo yesintfu ihlangene nemasiko. Asibeve nabayichaza lendzaba ngemavi
abo:
African Religion is not based on a body of beliefs that someone
subscribes to or adopts, so that once you have agreed with
those beliefs you then become a member of African religion.
African Religion is based on belonging, on being born into a
community, a group of people, a clan, a family. This is the
basis of African Religion. The group of people we are
considering includes those who are long gone, the ancestors,
the Uving Dead. It includes those who are living today, like us.
It includes those who are yet unborn. Now, belonging to that
wide community of people through your family group is the
beginning of what it means to be in African Religion.
(Kwenda nalabanye, 1997:1-2).
Loku kuchaza kona kutsi inkholo yesintfu ikunobe ngubani umuntfu
Jomnyama ingani wonkhe umuntfu uphuma emndenini lotsite. Uma nje
unesibongo usuke ukuyo inkholo yesintfu ngobe pheJa leso sibongo semuntfu
longukhokho wamkhulu wakho lebatsi nabaphahla lapha ekhaya baphahle
Vena. Nabani nabani watsi nakatalwa wabikwa kulaba labaphetse lelokhaya
143