ENYUVESIYAKAZULU - UZSpace Home
ENYUVESIYAKAZULU - UZSpace Home
ENYUVESIYAKAZULU - UZSpace Home
Create successful ePaper yourself
Turn your PDF publications into a flip-book with our unique Google optimized e-Paper software.
lebekatiwa ngekutsi nguDlamini Wesine. Inkhosi Dlamini Wesine yabusa<br />
ngesikhatsi emaNgisi nemaBhunu abanga indzaba yebuniyo bemhlaba.<br />
Kuyakhumbuleka kutsi emaSwati indzaba yebuniyo bemhlaba bekangayati.<br />
Marwick, (1955) lebekanguKhomishani eSwatini ngemavi akhe uyibeka atsi<br />
lendzaba:<br />
The private ownership of land was unknown amongst them (the<br />
Swazis), and indeed throughout the Bantu world before the<br />
advent of the white man. The dominion in the land was vested<br />
in the whole nation and belonged also to the generations to<br />
follow; only the control of the use of it was in the hands of their<br />
ruler.<br />
Such use might be given to anybody so long as the land was<br />
not needed by members of the tribe, and it was in the power of<br />
the ruler to vary his grants of land and even to cancel them for<br />
good cause arising from the behaviour of the grantees and<br />
from the needs of his people.<br />
(Marwick 1955:11).<br />
Lenkhulumo ifakazela kona kutsi bantfu live bati kutsi lenkhosi lekungiyo<br />
leniketa bantfu kutsi bahlale babuye balime kulo. Matsebula, (1993)<br />
uyakufakazela loku kutsi kwatsi ngekufika kwebelumbi kwantjintja konkhe<br />
loku bati bebati kona. Lokungaphawulwa ngekubusa kwenkhosi Dlamini<br />
Wesine (1875-1889) ngekulandzisa kwaMatsebula, (1993), kutsi kwaba<br />
netinkinga ebukhosini ngenca yaloku lebesekubaliwe kwekutsi abemaningi<br />
emehlo lebekadze abuke lesikhundla. EmaSwati alekelela emaNgisi nalwa<br />
nemaPedi, kwaba nesivulwano sePitoli lebesatiwa ngekutsi yiPretoria<br />
Convention kantsi futsi inkhosi yatfumela Iitsimba enkhosini yaKaZulu,<br />
Cetjwayo.<br />
Inkhosi kubika Matsebula, (1993) acaphuna iNatal Witness kutsiwa nakancane<br />
amange ivume kutsatfwa sitfombe emphilweni yayo. Kutsiwa nayitjelwa kutsi<br />
emakhosi lafana naCetjwayo kanye naSekhukhuni bavuma kutsi batsatfwe<br />
imifodo beyiphendvula itsi 'Yebo, kepha baphi nyalo?'. Inkhosi yakhotsama<br />
tingu-7 enyangeni yeMphala nga-1889 ineminyaka lengu-34 budzala.<br />
28