ENYUVESIYAKAZULU - UZSpace Home

2.2.1 Kugana ngelicuba, lijuba noma ingeje
Loku kuluhlobo Iwebuhlalu lobugatjiswa lelo jaha leselibe nenhlanhla yekuganwa.
Kuvamise kutsi intfombi iphatsise umngani wave kutsi abunikete umngani wave
kutsi abunikete lelo jaha. Phela lapha ngulapho kuvela khona saga lesitsi: •Lucu
aluhlangani entsanyeni'. EmaZulu nanawo anako loku, ingani phela anaso lesaga
lesinjalo. Kulesinye sikhatsi intfombi ingaluka luhlongwa esikhundleni sekwenta
buhlalu. Emva kwaloko kulindzeleke kutsi lelo jaha leliganiwe Iibese Iiyoyicela
ngalokusemtsetfweni intfombi leyo ekhaya kubo.
2.2.2 Kugana ngekuhlehla
Lena yindlela yekugana leyentiwa yintfombi nangabe seyincumile kutsi ivele
ivumelana nelijaha, iyalitsandza emva kwekutsintsana nabontsanga yakhe. Loku
kwentiwa ngekutsi intfombi icele letinye tintfombi letibontsanga yayo endzaweni
yakubo kutsi tivunule bese tiyahlehla, tifike bese tiyahlabela tigidze ngasemabaleni
akhabo Iijaha. Kuleyongoma letisuke tiyihlabela tiyaligagula Iibito lalelojaha,
tiphindze timbite kutsi asondzele titomgana. Manje loku kukhombisa kutsi bekute
lokufihlwako nakuganwana. Batawubese bayabindza laba labampheleketele bese
iphuma yodvwa lentfombi letogana, iyahlabela, igidze kubone nanoma ngubani
lokhona lapho ngiyo-ke letogana.
2.2.3 Kugana ngekutiba
Kulendlela lena intfombi ivele ivumelane nelijaha ngaphandle kwekwatisa ngisho
nebatali bayo. Nalapho iyabamema batali bayo kutsi bayogidza umtsimba lena
ekhabo Iijaha. Phela ngesiSwati tinkhomo temabheka tifunwa umfati sendzile,
hhayi lokwesilumbi kwanyalo kwekutsi sekucala kulotjolwe kunguma umfati agidza
umtsimba. Emva kwekugidza Iowa mtsimba, bakabojaha bayaye bangabopheleki
kutsi bayishaye inkhomo yekuyoyicela lentfombi.
39