klikoni këtu. - Ministria e Bujqesise, Ushqimit dhe Mbrojtjes se ...

Ëmbëlsirat - Kabunia dhe receptura e përgatitjes, Revania, Bakllavaja, hallva, llokumet
me miell misri, hasudeja etj. etj. Etimologjia e emërtimit të ëmbëlsirave dhe teknologjia e
përgatitjes së tyre, mbeten të paplotësuara.
Eshkë - një formë e qymyrit të drurit e prodhuar kryesisht nga gështenja që përdorej në
farkëtaritë tradicionale, ku bëhej dhe kalitja e tyre (duke i futur në ujë) “Si lisi në derë të
farkës” fig. ishte lisi në derë të farkëtarit, që kolaudonte dhe cilësinë e farkëtimit.
Përdoret dhe për njerëzit që janë të detyruar të jenë në shërbim permanent të njerëzve dhe
komunitetit. Nderkohe qe eshka eshte konsideruar nje kepurdhe, Boletus. Sp. per te
ndezur cigaren apo zjarrin me gurin e strallit.
Eukalipti, me origjinë nga Australia, vepron fuqishëm si një pompë thithëse
për drenimin e tokave. Në zonat aride, të thata, organizohen protesta nga
komuniteti për ti shkulur, eradikuar, këta drurë për arsye të ekspansionit të
tyre duke i “akuzuar për shterimin e burimeve”.
Fshat - versus “katund”
Në mesjetën e Mesme përgjithësisht, vendbanimet emërtohen me fjalët fshat
e katund. Emërtimi i dytë ka qenë karakteristik më shumë në shek. XV, por
vetëm për disa zona të vendit, sikurse janë ato që shtrihen në Malësinë e
Madhe, Kelmend, ndërsa i pari ishte sundues për të gjithë vendin në shek.
XVI. Kufiri i mësipërm kohor nuk ka qenë absolut, sepse edhe në shek. XV
për zona të tëra të vendit mbisundon emërtimi fshat. Kështu në regjistrin e
“Kadastrës dhe të koncesioneve të rrethit të Shkodrës, të vitit 1416-17
përmendet gjithnjë emri fshat. PO kështu emërohet dhe në regjistrat e tjerë
osmane të këtij shekulli.
Emërtimi katund nuk shtrihej vetëm në Shqipërinë e Veriut dhe atë të
Mesme. Para shek. XV ky emërtim ka pasur përhapje dhe në Jug. Për këtë
dëshmojnë jo vetëm ngulimet arbëreshe në Itali, që në pjesën më të madhe
janë bërë nga këto zona dhe që njohin emrin katund, por dhe nga mbetjet e
këtij emri që kanë ardhur të gjalla deri në ditët tona. Kështu një vendbanim
në Korçë quhej Katund, një tjetër në Përmet thirret me emrin Katundisht,
ndërsa në jug ka një vendbanim që quhet Llakatund. 18 Në afërsi të fshatit
Piqeras (Sarandë) një fshat gërmadhë quhet Katundisht. Kjo dukuri vihet re
dhe në Shqipërinë e Veriut, veçse në kah të kundërt. Kështu dhe në ditët
tona, emërtimi sundues për vendbanimet është katund, por në raste të
18 Përgjithësisht për etimologjinë e emërtimit Llakatund është bindës dhe versioni, Katund Vllahesh,
Llakatund. Edhe sot ekziston një zhargon i kësaj gjuhe, Arumune në këtë zonë. (I. Xh)
143