klikoni këtu. - Ministria e Bujqesise, Ushqimit dhe Mbrojtjes se ...

E transmetuan këtë art që e kthyen dhe në biznes jo vetëm brenda vendit por
dhe jashtë kufijve, duke vepruar dhe kundër gravitetit historik të kohës.
Kallajxhinjtë e Përmetit
Duke bredhur në gjithë Shqipërinë bile dhe jashtë kufijve të sotëm, duke
kallajisur enët e bakrit, shumë të përhapura në të gjithë vendin, kontribuuan
shumë në parandalimin e helmimit nga bakri, (janë regjistruar raste të
shumta të helmimeve masive sidomos në dasma, gosti etj, janë me rem në
zhargonin popullor, helmim që vinte nga enët e bakrit, më saktësisht nga
oksidet e bakrit CuO).
Në të njëjtën kohë transmetuan mesazhe të një populli të kulturuar siç ishte
ai i Përmetit, i Dangëllisë, të Etatistëve Frashërllinj, të traditës të vreshtarisë
në të gjithë luginën e Vjosës që nga Ura e Dragotit deri tek Tre Urat.
Transmetuan dhe kulturë kulinare për të cilën shquhet kjo trevë. Kjo traditë
portretizohet më se e plotë në vargjet e Nolit:
... Sofrën shtruar si për mbret,
E gjen veçse në Përmet,...
Është meritë e këtyre, që të gjitha zonat e Shqipërisë të jenë të pangopura
kur dëgjojnë krijimtarinë e Laver Bariut që bënte të ngrijnë dhe zogjtë në
fluturim.
Trashëgimia edhe ruajtja e këtij profesioni deri në ditët tona është shumë
sinjifikative.
Sharrëxhinjtë e Fanit
Një profesion shumë i mundimshëm dhe i lodhshëm. Këta
sharrëxhinjtë kanë lënë gjurmë dhe kanë vulën e lodhjes në
punimet prej druri, trarë, konstruksione të çative, tavane, në të
gjithë vendin.
Është transmetuar brez pas brezi dhe emri i sharrëxhinjve që kanë
sharruar trarët dhe lëndën e drurit në përgjithësi. Është transmetuar
dhe mesazhi i tyre që lënda e drurit të pritet pas lëngëzimit, mbasi
në të kundërtën do të jetë shumë i preferuar për krimbat e drurit.
33