klikoni këtu. - Ministria e Bujqesise, Ushqimit dhe Mbrojtjes se ...

Për një admirues të këtij peizazhi, pushues apo skiator, kjo
konsiderohej si një ngjarje e papërsëritshme. Është vendi të
përmendim faktin shumë të njohur që në Pekin ka rënë dëborë
pas 60 vitesh.
Një ekolog do të fillonte të llogariste efektet e kësaj
situate: Rikthim në origjinë, biodiversitet, ulje të peshës
specifike të tokës në saj të veprimit të ngricave mbi
tokën për arsye të rritjes së volumit të ujit kur ai ngrin,
etj, etj.
Një udhëtar i mbetur në rrugë do ta mallkonte këtë
situatë.
Dhe të gjithë kanë të drejtë.
Bora, ngrica, akulli, janë “ujë në magazinë”, do të thoshte Virgjili., autori i
“Bukolikëve dhe Gjeorgjikëve” e zhvilluar dhe e transferuar në mjedisin shqiptar
nga Naim Frashëri tek “Bagëti e Bujqësia”.
Bora është si një batanije, thotë amerikani. Kolonitë e bletëve nuk e kanë problem të
mbijetojnë për një muaj ose më shumë nën mbulesën e dëborës, që largon të ftohtit
e hidhur. Bimësia poshtë borës nuk e ndjen egërsinë e dimrit. Bora përcjellë azot në
tokë dhe me ngadalësi furnizon tokën me lagështi.
Përdorimi i kripës në këtë situatë vërtet ju ndihmon, por mos
harroni se ndikon shumë negativisht në bimësinë që pritet pas
ngricës dhe dëborës.
Bardhësia e dëborës dhe shtresa e akullit, nuk njeh kufijtë fshat-qytet. Bora zbardh vetëm
ato zona ku njerëzit janë me zemër të bardhë.
(Nga bisedat në odat e hasianëve gjatë dimrit të egër apo shumë të egër)
Para e depozituar në Bankën më të sigurt. Nëna
Natyrë, e cila të jep vetëm “interesat dhe jo
principalin”.
75