klikoni këtu. - Ministria e Bujqesise, Ushqimit dhe Mbrojtjes se ...

Kuptohet profesorit të nderuar nuk i duhej shumë kohë për të kuptuar situatën dhe po
përdor figuracionin e tij shumë të njohur:
“Përse e keni arrestuar misrin”.
Kuptohet që ishte fjala se misri nuk ishte prashitur edhe i kishte kaluar fazat e rritjes.
Ndërkohë dhe ai nuk e kishte të nevojshme përgjigjen, pasi kooperativistët në orën 3 të
mëngjesit do ti drejtoheshin shqemes.
Në një ekonomi tjetër të Matit, Kurdari, po atë ditë, profesori, tejet i interesuar edhe për
kulturën, ku shumë shpejtë zbuloi, se aty Skënder Drini, shkrimtari i mirënjohur
shkodran, mësues për disa vite ne atë zonë, kishte shkruar jo pak libra, midis të cilëve
edhe “Vraje tradhtinë”, Shembja e idhujve, etj, vlerësoi shumë punën e kësaj ekonomie
sidomos për misrin, ku ai parashikonte një rendiment të lartë.
Por përkundrejt këtij vlerësimi, K/Specialisti i ekonomisë, A.H. nuk shfaqi ndonjë shenjë
kënaqësie dhe entuziazmi. Më vonë i kishte përshpirtur në vesh se po të realizohet plani
ne edhe mund të shkojmë në burg mbasi nuk e transportojmë dot misrin nga ara për në
hangarin e grumbullimit.
Me qëllim për të rritur vlerën e ditës së punës, sipas një vendimi të Qeverisë së asaj kohe,
deri diku ishte bërë një punë e konsiderueshme për tarracimin e tokave të pjerrëta.
Në ekonomi kishte mbërritur kontrolli punëtor i përbërë nga disa minatorë të Minierës së
Batrës.
Në një masiv të tarracuar (kuptohet me ulje graduale të pjerrësisë), sigurisht duke kopjuar
terrenin, pyetja e parë që mu drejtua ishte: Përse vijat e tarracave nuk janë të drejta ?
U mundova tu shpjegoj se kemi ndjekur izoipset, vijat rrushkulluese, duke ruajtur një
pjerrësi që të mos gërryhej toka .
Duke qenë tejet e vështirë për t’ua shpjeguar këtë, reagimi ishte shumë i prerë:
Djalë i mirë, akoma nuk e ke mësuar se vija e partisë është vijë e drejtë dhe këto vija të
shtrembra janë kundër kësaj vije.
Një mbledhje e Kryesisë së Kooperativës:
Fillimi i mbledhjes:
Kryetari X
Mensa e kooperativës ka blerë 2 kg makarona dhe nuk rezulton të jenë shitur 24 racione
ashtu siç thotë dhe kontroll revizioni i rrethit që i bashkohet atij të kooperativës.
159