klikoni këtu. - Ministria e Bujqesise, Ushqimit dhe Mbrojtjes se ...

Ky libër, Almanaku, që më parë nuk e dija se çfarë do të thotë, vjen i mirëpritur në
malësinë tonë, në shtëpinë e shumë fermerëve që e kanë njohur Idrizin kur punonte për
rehabilitimin e sistemit ujitës në kuadër të Projektit të Bankës Botërore.
Mendoj se i drejtohet malësorit të Funarit, Çermenikës, fermerit myzeqar, bariut të
Korabit, apo blegtorit të Çajupit me një gjuhë që ata të gjithë e kuptojnë.
Besoj se do ta lexojnë pas punës me dritë elektrike, me fenerë, apo me dritën e pishës në
stane.
Shpresoj se autori nuk do të na harroj që të vijë dhe vetë të na shoh mbasi vetëm libri nuk
është i mjaftueshëm.
Shkurt, Funar, 2012, me 2 metra borë.
Rexhep Shoshi,
Magjistër në
Universitetin e Prishtinës
Më bëri përshtypje që kur erdhi në fermën time Baca Idriz, në Pejë, bashkë me Prof.
Ukën (Rexhep Uka), nuk reagoi dhe nuk bëri asnjë vërejtje apo sugjerim. Nuk më pëlqeu
indiferentizmi i tij. Kryesisht merreshim me shtimin e nënshartesave të farorëve dhe
shumëzimin e dredhëzave (luleshtrydheve). Më pyeti përse duhet të shartohet shalqiri me
kungullin e hidhët (Cucurbita lanigerum), i dhashë një përgjigje por vura re se qëllimi i
pyetjes ishte ndryshe nga ai që unë mendova. Idrizi do të thoshte në mënyrën e tij
lakonike se duhet ta fillojmë nga hidhësia për të vajtur tek e ëmbla ndryshe nga trangulli,
kastraveci, që kur e hamë përfundojmë tek pjesa e hidhur.
Gjatë drekës pata vështirësi për t’ju përgjigjur pyetjeve të tij që ishin të natyrës që
ngërthenin agronominë me traditën dhe historinë.
Më vonë kur mora një libër të tij, “Druri i Bukës dhe i Historisë, Gështenja”, kuptova
diçka më shumë për natyrën e pyetjeve të tij.
Tani kuptoj që është një “hile” e Idrizit për të na e lënë topin në fushën tonë për ta
zhvilluar këtë Almanak.
Hazir Pollozhani,
Doktor Profesor,
Universiteti i Tetovës
E kam njohur Idrizin kur sapo isha emëruar asistent profesor në Universitetin e
Prishtinës, në lëndën e Mekanikës Bujqësore. Ishte hera e parë që shkelja në tokën mëmë.
Edhe në saj të shoferit të tij. tejet i palodhur, Beqirit, (Beqir Dema), më krijoi mundësinë
e lëvizjes nëpër Shqipëri. U befasova nga numri shumë i madh i njerëzve që ai njihte dhe
takonte.
Në vizitën e tij të parë në Maqedoni, kuptohet se do ta kalonte një natë në “kasollen” time
në Ohër. Nuk u ngop nga bisedat me babain tim, mësues i shqipes në Manastir.
164